19.04.2026 | 19:07
Վիզաների ազատականացումը ժողովրդավարական ինստիտուտների ամրապնդման գործընթաց է․ ՆԳ նախարար
Նպատակը քաղաքացիներին տուգանելը չէ․ դիմակի էֆեկտիվությունը միջազգայնորեն ապացուցված փաստ է․ Փաշինյան. ՏԵՍԱՆՅՈՒԹ
06.07.2020 | 18:14
Նոր տեսակի կորոնավիրուսի համավարակի հետ կապված Հայաստանի Հանրապետությունում իրավիճակը շարունակում է մնալ ծանր և առողջապահական համակարգը շարունակում է աշխատել ծանրաբեռնվածության ռեժիմում։ Այս մասին այսօր Կառավարության նիստից հետո ճեպազրույցի ընթացքում տեղեկացրեց ՀՀ վարչապետ Նիկոլ Փաշինյանը։
Վարչապետը նշեց, որ ոչ միայն Հայաստանից են այսպիսի լուրեր ստացվում, այլև ամբողջ աշխարհից, բազմաթիվ երկրներում կորոնավիրուսի նոր ալիք է սկսվում։ Փաշինյանի խոսքով՝ հիմնական խնդիրն այն է, որ քաղաքացիները չեն հավատում իրենց անհատական վարքագծի ազդեցությանը կոնկրետ իրավիճակի վրա։
«Այս պահի դրությամբ 491 մարդ մահացել է կորոնավիրուսի հետևանքով, և մենք պետք է շարունակենք քաջալերել մեր քաղաքացիներին կրել դիմակ, պահպանել սոցիալական հեռավորություն, ախտահանել ձեռքերը»,- նշեց Փաշինյանը՝ հավելելով, որ ոստիկանությունը շարունակում է վարչական միջոցներ կիրառել, սակայն նպատակը ոչ թե քաղաքացիներին տուգանելն է, այլ վարակի տարածումը կանխարգելելը, քանի որ դիմակի էֆեկտիվությունը միջազգայնորեն ապացուցված փաստ է։
Մանրամասները՝ տեսանյութում։
