06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Ադրբեջանը երազում է դառնալ ԵՏՄ անդամ. Հայկ Բաբուխանյանի ելույթը
Քաղաքականություն
27.11.2017 | 13:54
ԱԺ ՀՀԿ խմբակցության պատգամավոր Հայկ Բաբուխանյանը «Ելք» խմբակցության հեղինակած «ՀՀ մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագծի քննարկման ընթացքում հայտարարեց՝ չի կարելի բոլոր խնդիրները, այդ թվում՝ տնտեսական և քաղաքական հիմք չունեցող, կապել Հայաստանի՝ Եվրասիական տնտեսական միությանն անդամակցելու հետ:
«Նույն կերպ կարելի է, օրինակ, ցուրտ եղանակը կապել մեր մասնակցությանը Եվրոպական խորհդին, որին անդամ ենք շատ ավելի վաղ: Մենք պետք է հասկանանք՝ ոչ ոք այս աշխարհում մեզ պարտք չէ, որ մեր փոխարեն որոշակի բաներ անի: Երբ մենք մունաթով մեր դաշնակիցներից պահանջում ենք այն, ինչ նախատեսված չէ պայմանագրով, դա ուղղակի զարմանք է առաջացնում»,- ԱԺ ամբիոնից նշեց Հայկ Բաբուխանյանը:
ՀՀԿ-ական պատգամավորը հիշեցրեց՝ մոտ 1.5 մլն հայեր ունեն երկքաղաքացիություն. «Ի՞նչ է լինելու նրանց հետ, եթե մեր հարաբերությունները սկսենք փչացնել: Այն պնդումները, թե դուրս գալով մենք հարաբերություններ չենք փչացնում Ռուսաստանի հետ, այդպես չէ: Հասկանալի է, որ փչացնում ենք»:
Մանրամասները՝ տեսանյութում:
