13.06.2026 | 12:34
Հայաստանը ՄԱԿ-ում աջակցություն է հայտնել UNDP-ի և UNFPA-ի մանդատներին
Հայաստանը պետք է սկսի ԵՏՄ-ից դուրս գալու գործընթաց, քաղաքական որոշումը պետք է կայացվի օր առաջ. Ստյոպա Սաֆարյան
Քաղաքականություն
27.11.2017 | 11:41
Խորհրդարանում շարունակվում են «Ելք» խմբակցության հեղինակած «ՀՀ մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագծի լսումները:
Ելույթով հանդես եկավ «Միջազգային և անվտանգության հարցերի հայկական ինստիտուտի» հիմնադիր նախագահ Ստյոպա Սաֆարյանը՝ հարց բարձաձայնելով, թե ինչ էին խոստանում Հայաստանի իշխանությունները ԵՏՄ անդամակցության արդյունքում և ինչ ունենք այսօր:
«Թերևս այս քննարկումը պետք է ունենայինք 2014 թվականին, երբ Հայաստանի անունից որոշում կայացվեց անդամակցել Եվրասիական տնտեսական միությանը: Չեմ ուզում խորանալ այն փաստարկների մեջ, թե որքանով էր այդ որոշումը սահմանադրական, բայց եթե իշխող կուսակցության համար երկու տարի առաջ շատ ավելի հեշտ կլիներ խոստումներ տալ, ապա այսօր այդպիսի հնարավորություն իշխանությունը չունի: Փաստերն անկախ մեր մեկնաբանությունից բավական անողոք են»,- ԱԺ ամբիոնից հայտարարեց Ստյոպա Սաֆարյանը:
Ի թիվս այլ հարցերի՝ Սաֆարյանը հետաքրքրվեց՝ ո՞ւր են այն ներդրումները, որոնք խոստացվում էին. «Խոստանում էին 500 մլն դոլարի ներդրումներ «Նաիրիտում», բացատրե՛ք հայ հանրությանը, թե ինչու ուղղակի ներդրումներ, որոնք խոստացվել էին, այդպես էլ չստացվեցին»:
Մանրամասները՝ տեսանյութում:
