10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Կրեմլը պատասխանել է ՌԴ Սահմանադրության փոփոխությունների առիթով օտարերկրյա քննադատությանը
Քաղաքականություն
03.07.2020 | 16:36
Ռուսաստանը մտադիր չէ ուշադրություն դարձնել այլ երկրների, այսպես կոչված, մտահոգություններին՝ կապված ՌԴ Սահմանադրությունում ընդունված փոփոխությունների հետ։ ՏԱՍՍ-ի փոխանցմամբ՝ այս մասին ասել է Կրեմլի խոսնակ Դմիտրի Պեսկովը։
Պեսկովը լրագրողների հետ զրույցում ասել է, որ Մոսկվան ծանոթ է սահմանադրական փոփոխությունների շուրջ մի շարք երկրների քննադատական հայտարարություններին։ «Բայց մենք դրանց ուշադրություն չենք դարձնում»,- հավելել է նա։
ՌԴ նախագահի խոսնակն ընդգծել է, որ «Ռուսաստանը, անկասկած, պահպանել, պահպանում և պահպանելու է միջազգային իրավունքի նորմերին, ոգուն և տառին հավատարմությունը։
«Սակայն, միաժամանակ, Ռուսաստանն առաջին հերթին հավատարիմ է իր ինքնիշխանությանը, դա որևէ կերպ չի հակասում միջազգային իրավունքին։ Նման, այսպես կոչված, մտահոգություններին մենք ուշադրություն չենք դարձնելու»,- նշել է Դմիտրի Պեսկովը։
Ավելի վաղ Եվրամիությունը կարծիք էր հայտնել, որ միջազգային իրավունքի նկատմամբ ՌԴ Սահմանադրության գերակայության մասին փոփոխությունը հակասում է Ռուսաստանի պարտավորություններին։ ԵՄ արտաքին քաղաքականության ծառայության ներկայացուցիչ Պետեր Ստանոն հույս է հայտնել, որ ՌԴ-ն կպահպանի այն շրջանակները, որոնք կապահովեն Մոսկվայի կողմից ստանձնած միջազգային պարտավորությունների իրականացումը
