24.04.2026 | 18:09
Իրանի ԱԳ նախարարն Իսլամաբադ կայցելի՝ ԱՄՆ-ի հետ խաղաղության բանակցությունները վերսկսելու
Եվս մեկ դրական նորություն պատվաստանյութի ստեղծումից. VOA
Քաղաքականություն
02.07.2020 | 23:00
Գերմանական BioNTech և ամերիկյան Pfizer ընկերությունների մշակած COVID-19 պատվաստանյութը լավատեսություն է ներշնչում, քանի որ դրա փորձարկումը մարդկանց վրա դրական արդյունքներ է գրանցել. գրում է amerikayidzayn.com-ը:
17 այլ պատվաստանյութերի հետ մեկտեղ այս ընկերությունների պատվաստանյութը դեռևս փորձարկման փուլում է: Պատվաստանյութի ստեղծումը դիտարկվում է որպես կարևոր միջոց կորոնավիրուսի համավարակը դադարեցնելու համար:
Հիվանդությունը խլել է ավելի քան կես միլիոն մարդկանց կյանք: Ընդհանուր հիվանդների թիվն անցել է 10,5 միլիոնը:
BioNTech և Pfizer պատվաստանյութն ամենախոստումնալիցների շարքում է: Փորձարկումներին մասնակցում է ավելի քան 30 հազար առողջ մարդ: Հաջորդ փուլը հավանաբար կմեկնարկի հուլիսի վերջին:
Հաստատման պարագայում ընկերությունը կարող է մինչև այս տարվա վերջ տրամադրել 100 միլիոն դեղամիջոց, իսկ 2021 թվականին՝ 1.2 միլիարդ դեղամիջոց Գերմանիայում և ԱՄՆ-ում:
Դեռևս հայտնի չեն BioNTech-ի երեք այլ հավանական պատվաստանյութերի փորձարկումների մասին արդյունքները:
