19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Կորոնավիրուսով հիվանդ 11 հոգի տանը սպասում է, որ հիվանդանոց տեղափոխենք. Արսեն Թորոսյան. ՏԵՍԱՆՅՈՒԹ
02.07.2020 | 11:09
Առողջապահության համակարգում կորոնավիրուսով պայմանավորված իրավիճակը մնում է նույնը: Այսինքն՝ վերակենդանացման բաժանմունքները պրակտիկորեն լիքն են: Այս մասին Կառավարության այսօրվա նիստում հայտարարեց առողջապահության նախարար Արսեն Թորոսյանը:
«Իհարկե՝ բոլոր տեղերում կան 1-2 ազատ տեղեր, և կարողանում ենք դրանց հաշվին ծանր և ծայրահեղ վիճակում գտնվողներին տեղավորել: Ծանր և ծայրահեղ ծանր պացիենտների թիվը գումարային կազմում է 650 հոգի, նրանցից 44-ը միացված է թոքերի արհեստական օդափոխության սարքերին»,- ասաց նա:
Նախարարն ընդգծեց, որ շարունակվում է նոր հզորությունների մեծացումը. «Այսօր ես գնալու եմ տեսնեմ Սպիտակի և Մարտունու ԲԿ-ներում ծավալվող բաժանմունքները, որոնք հագեցած են լինելու անհրաժեշտ սարքավորումներով: Եվս մի կարևոր հանգամանք, թե քանի քաղաքացի է տանը սպասում հոսպիտալացմանը․ այսօր առավոտյան ժամը 9-ի դրությամբ՝ ունենք հոսպիտալացման սպասող ընդամենը 11 հոգի, որից 4-ը միջին ծանրության են, 7-ը՝ թեթև: Եվս մոտ 80 հոգի սպասում են տեղափոխման այնպիսի հիվանդանոցներ, որոնք զբաղվում են կորոնավիրուսով: Այս մասով վիճակը հարաբերականորեն կայուն է»:
Մանրամասները՝ տեսանյութում:
