13.06.2026 | 12:07
ԱԱ-2026․ Օրվա խաղերը, պայքարը սկսում է Բրազիլի հավաքականը
Ի՞նչ է նշանակում «և-և», մենք ամբողջությամբ գտնվում ենք Ռուսաստանի գերիշխանության ներքո. Գևորգ Գորգիսյան
Քաղաքականություն
24.11.2017 | 17:30
Հայաստան-ԵՄ փաստաթուղթն ընդամենը դուռ է, որը բացողը պետք է լինի Հայաստանը: Factor.am-ի հետ զրույցում անդրադառնալով Հայաստան-Եվրամիություն Համապարփակ և ընդլայնված գործընկերության համաձայնագրի ստորագրմանը և ակնկալվող արդյունքներին հայտարարեց ԱԺ «Ելք» խմբակցության պատգամավոր Գևորգ Գորգիսյանը:
«Թե ինչպես կօգտվենք այդ հնարավորությունից, ամբողջությամբ կախված է իշխանություններից և նրանց քաղաքական կամիքից: Կլինի այդ քաղաքական կամքը, մենք կկարողանանք զարգանալ շատ լուրջ տեմպերով, հակառակ դեպքում՝ կմնանք այս վիճակում»,- ասաց ընդդիմադիրը պատգամավորը:
Համաձայնագրի ստորագրումից լուրջ ակնկալիքներ ունենալու համար, ըստ Գորգիսյանի, պետք է մի փոքր ռոմանտիկ լինել:
«Մենք, այնուամենայնիվ, մեր բոլոր միջոցները օգտագործելու ենք, որ այդ ամենը իրականացվի և կյանքի կոչվի: Ինչքանով կստացվի, ժամանակը ցույց կտա»,- շարունակեց Գևորգ Գորգիսյանը:
Հիշեցնենք՝ ակնկալվում է, որ քիչ անց Բրյուսելում կստորագրվի Հայաստան-Եմ Համապարփակ և ընդլայնված գործընկերության համաձայնագիր:
Հարցաազրույցն ամբողջությամբ՝ տեսանյութում:
Շողիկ Գալստյան
