Քաղաքականություն
28.06.2020 | 18:38
Իրանում կորոնավիրուսով վարակվածների ընդհանուր թիվը հասել է 222.669-ի: Այս մասին հայտնել է ԻԻՀ առողջապահության նախարարության մամուլի խոսնակ Սիմա Սադաթ Լարին, գրում է ԻՌՆԱ-ն:
«Մեկ օրում կորոնավիրուսով վարակի 2.489 նոր դեպք է արձանագրվել: Վարակվածների ընդհանուր թիվը, այսպիսով, 222.669 է»,- ասել է նա:
Մեկ օրում Իրանում 144 մահ է արձանագրվել, արդյունքում այս երկրում կորոնավիրուսից մահացածների թիվը հասել է 10.508-ի:
Միաժամանակ, մինչ օրս 183.301 մարդ առողջացել և դուրս է գրվել հիվանդանոցներից:
