24.06.2026 | 14:40
Մարգարիա Սիմոնյանն «առաջարկել է» Փաշինյանի օգտին քվեարկած հայերին բացահայտել սոցցանցերով և արգելել նրանց մուտքը ՌԴ
Հայաստանի ապագան` «ձախողակների ակումբում»
Տնտեսություն
23.05.2017 | 12:37
Չնայած Հայաստանի իշխանությունները շարունակում են պնդել, որ ԵՏՄ-ին անդամակցելով` Հայաստանը միայն շահել է և առաջիկայում դա ավելի տեսանելի է դառնալու, ԵՏՄ երկրների մակրոտնտեսական ցուցանիշների միտումներն ու դրանց վերաբերյալ ԱՄՀ 2017թ.-ի ապրիլյան զեկույցում ներկայացված կանխատեսումներն այլ հեռանկար են ուրվագծում:
Նախ` անդրադառնանք ԵՏՄ-ի լոկոմոտիվ երկրին` Ռուսաստանի Դաշնությանը: ԱՄՆ-ի և ԵՄ-ի կողմից կիրառված պատժամիջոցների արդյունքում Ռուսաստանում 2015թ.-ին արձանագրվել է -2.8%, իսկ 2016թ.-ին` -0.2% տնտեսական անկում: Առաջիկա 5 տարիներին լավագույն դեպքում ՌԴ տնտեսական աճը կհասնի 1.4-1.5%-ի, ինչը հեռանկարային կամ առաջանցիկ զարգացումներ չի խոստանում:
ԵՏՄ-ի հաջորդ ամենազդեցիկ երկրի` Ղազախստանի տնտեսական աճի տեմպերը ընդհուպ մոտեցել են 2009թ.-ի ճգնաժամային մակարդակին՝ 2015-2016թթ. ընթացքում կազմելով 1.2 և 1.1%, իսկ արդեն 2017թ.-ին սպասվում է 2.5% աճ: Ինչ վերաբերում է ինֆլյացիային, ապա 2016թ.-ին այն հասել է 14.6%-ի:
Եվրասիական ընտեսական միությունում Հայաստանի մյուս գործընկերոջ` Բելառուսի տնտեսական աճը 2015 և 2016 թթ. ընթացքում եղել է 3.8, և 3,0 իսկ 2017թ.-ին սպասվում է -0.8%-անոց անկում: Այսինքն` կրկին որևէ դրական ազդանշան չկա:
ԵՏՄ կազմում Ղրղըզստանը միակ երկիրն է, որը ուշ անդամակցած լինելով` հարաբերականորեն բարձր աճի տեմպեր ունի` 2015-2016թթ. ընթացքում այն գրանցել է 3.5 և 3.8% աճ և այս միտումներն առաջիկայում կշարունակվեն, սակայն դրանից Հայաստանի տնտեսությունը բացարձակապես ոչինչ չի շահի:
Ինչ վերաբերում է ԵՏՄ-ին անդամակցած Հայաստանի ցուցանիշներին, դրանք որոշակիորեն կրում են եվրասիական գործընկերների բացասական աճի ազդակները, ապա 2015թ.-ին մեր երկրում տնտեսական աճը կազմել է 3.0%, իսկ 2016թ.-ին 0.2%: Առաջիկա երկու տարիների համար էլ կանխատեսվում է ընդամենը 3 տոկոսանոց աճ:
Աղյուսակ 1
ԵԱՏՄ երկրների իրական ՀՆԱ-ն
(տարեկան տոկոսային փոփոխություն)
| Միջին
1999-2008 |
2009 | 2010 | 2011 | 2012 | 2013 | 2014 | 2015 | 2016 | Կանխատեսումներ | |||
| 2017 | 2018 | 2022 | ||||||||||
| Ռուսաստան | 6.9 | –7.8 | 4.5 | 4.0 | 3.5 | 1.3 | 0.7 | –2.8 | –0.2 | 1.4 | 1.4 | 1.5 |
| Հայաստան | 10.5 | –14.1 | 2.2 | 4.7 | 7.1 | 3.3 | 3.6 | 3.0 | 0.2 | 2.9 | 2.9 | 4.0 |
| Բելառուս | 7.5 | 0.2 | 7.8 | 5.4 | 1.7 | 1.0 | 1.8 | –3.8 | –3.0 | –0.8 | 0.6 | 2.0 |
| Ղազախստան | 8.7 | 1.2 | 7.3 | 7.5 | 5.0 | 6.0 | 4.3 | 1.2 | 1.1 | 2.5 | 3.4 | 4.6 |
| Ղրղըզստան | 4.7 | 2.9 | –0.5 | 6.0 | –0.1 | 10.9 | 4.0 | 3.5 | 3.8 | 3.4 | 3.8 | 5.4 |
Աղյուսակ 2
ԵԱՏՄ երկրների սպառողական գների ինդեքսը
(տարեկան տոկոսային փոփոխություն)
| Միջին
1999-2008 |
2009 | 2010 | 2011 | 2012 | 2013 | 2014 | 2015 | 2016 | Կանխատեսումներ | |||
| 2017 | 2018 | 2022 | ||||||||||
| Ռուսաստան | 19.8 | 11.7 | 6.9 | 8.4 | 5.1 | 6.8 | 7.8 | 15.5 | 7.0 | 4.5 | 4.2 | 4.0 |
| Հայաստան | 3.3 | 3.5 | 7.3 | 7.7 | 2.5 | 5.8 | 3.0 | 3.7 | –1.4 | 2.0 | 3.5 | 4.0 |
| Բելառուս | 49.1 | 13.0 | 7.7 | 53.2 | 59.2 | 18.3 | 18.1 | 13.5 | 11.8 | 9.3 | 8.7 | 6.0 |
| Ղազախստան | 9.3 | 7.3 | 7.1 | 8.3 | 5.1 | 5.8 | 6.7 | 6.7 | 14.6 | 8.0 | 7.2 | 4.4 |
| Ղրղըզստան | 11.2 | 6.8 | 8.0 | 16.6 | 2.8 | 6.6 | 7.5 | 6.5 | 0.4 | 3.6 | 5.2 | 5.0 |
