11.09.2026 | 21:05
Փրկարարները Ալավերդիում 15 մետր խորությունից դուրս են բերել արգելափակված օտարերկրացուն
Կասեցման ժամկետը լրանա, էլի աշխատելու ենք, բա ինչքա՞ն մեր գրպանից տանք. նարգիլե մատուցող օբյեկտի տնօրեն. ՏԵՍԱՆՅՈՒԹ
Հասարակություն
25.06.2020 | 14:11
Այսօր 168 ժամով, այսինքն՝ մեկ շաբաթով կասեցվեց Երևանի Ամիրյան փողոցում գտնվող «Միստր Հուկա» նարգիլե մատուցող օբյեկտը։
ՍՊԸ սեփականատեր և տնօրեն Ժորա Փանոսյանը մեզ հետ զրույցում նշեց, որ պարետի որոշմամբ 2-րդ անգամ փակվելուց հետո իրենք շարունակել են գործունեություն ծավալել, ինչն էլ կասեցման պատճառ է դարձել։
«Բացվելուց հետո, երբ ժամկետը լրանա, նորից շարունակելու ենք, որպեսզի նորից գան փակեն, այլընտրանք չկա։ Սա մասնագիտացված ակումբ է՝ նարգիլե ծխելու համար նախատեսված, որը գործում է հանրային սննդի լիցենզիայով և եթե այստեղ նարգիլե չենք մատուցում, այստեղ ոչ մեկ հաց ուտելու, սուրճ խմելու չի գալիս։ Ինչքա՞ն կարող ենք մեր գրպանի հաշվին՝ պարտք անելով պահել 3-4 տարվա հաջողված բիզնեսը, որպեսզի նախարար Թորոսյանի՝ 2-3 ամսվա անձնական հակակրանքի պատճառով մենք չկորցնենք այս բիզնեսը և ընդհանուր ոլորտում 700-1000 աշխատող չմնա առանց գործ»,- ասաց «Միստր Հուկա»-ի սեփականատերը։
Մեր հարցին, թե արդյոք այս ընթացքում շատ այցելուներ են ունեցել, Ժորա Փանոսյանը պատասխանեց․ «Իհարկե կա պահանջարկ»։
Մանրամասները՝ տեսանյութում։
Նելլի Մելքոնյան
