19.12.2025 | 12:34
Քննիչի անբարեխիղճ վերաբերմունքի հետևանքով նախաքննական մարմինը զրկվել է ապացույցներ ձեռք բերելու հնարավորությունից․ ՀԿԿ
Արդեն 3-րդ անգամ ենք խախտում արձանագրում. ՍԱՏՄ աշխատակիցը՝ նարգիլե մատուցող օբյեկտի մասին. ՏԵՍԱՆՅՈՒԹ
Հասարակություն
25.06.2020 | 13:30
Այսօր 168 ժամով կասեցվեց Հյուսիսային պողոտայում գտնվող «Արմ Հուկա» նարգիլե մատուցող օբյեկտը։
Լրագրողների հետ զրույցում Սննդամթերքի անվտանգության տեսչական մարմնի Երևանի կենտրոնի պետի տեղակալ Մանուել Մելիքյանը նշեց, որ օբյեկտը մեկ շաբաթով փակելու պատճառը 3-րդ անգամ խախտում հայտնաբերելն է։
Առաջին անգամ գործունեությունը 24 ժամով են կասեցրել։ «Առաջին անգամ է, որ ՍԱՏՄ-ի կողմից գործունեությունը 168 ժամով՝ 7 օրով է կասեցվում։ Սա կոչ է բոլոր տնտեսվարողներին, որպեսզի պահեն Պարետի բոլոր պահանջները։ Սոցիալական վիճակը շատ կարևոր է, բայց այս պահին, կարծում եմ, ազգաբնակչության առողջությունը շատ ավելի առաջնային տեղում է, քան սոցիալական ու ֆինանսական խնդիրները»,- ասաց Մանուել Մելիքյանը։
Մեր հարցին, թե ինչ է լինելու 168 ժամի լրանալուց հետո, ՍԱՏՄ աշխատակիցն ասաց․ «Հստակ ասել չեմ կարող։ Տնտեսվարողի խախտումն ու տվյալները կներկայացնենք պարետին և պարետն արդեն կկայացնի համապատասխան որոշում։ Դեռևս նման նախադեպ չենք ունեցել»։
Մանրամասները՝ տեսանյութում։
Նելլի Մելքոնյան
