27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Երևանում 52 տնտեսվարող կարող է շրջիկ առևտրով զբաղվել. քաղաքապետարանի պաշտոնյա. ՏԵՍԱՆՅՈՒԹ
Տնտեսություն
24.06.2020 | 11:32
2021 թվականի հունվարի 1-ից նոր պահանջներ կգործեն Երևանում շարժական առևտրի համար: Համապատասխան որոշումն ընդունվեց հունիսի 24-ին, Երևանի ավագանու նիստում:
Քաղաքում մնացել է շարժական առևտրի համար 52 տեղ, որոնք կներկայացվեն հատուկ կայքի միջոցով, էլեկտրոնային ամրագրումից հետո՝ մինչև 3 օր ժամկետով: Ամրագրման ժամկետի տևողությունը չի կարող գերազանցել օրական 14 ժամը, առավելագույնը՝ մինչև 23:00-ն: Շարժական առևտրի իրականացման համար հայտերն ընդունվում են էլեկտրոնային կամ թղթային տեսքով:
Հայտի ընդունումից հետո 6 օրվա ընթացքում ստուգում է անցկացվում: Անվտանգության նորմերին համապատասխանելու հետ կապված կասկածների դեպքում կարող են հավելյալ եզրակացություններ պահանջվել: Թույլտվություն տրվում է կամ մերժելու մասին որոշում է ընդունվում ստուգումից հետո 4 օրվա ընթացքում:
Թույլտվություն ստանալու համար հայտը չեղարկվում է, եթե ներկայացված փաստաթղթերում թերություններ կան կամ նշված շրջանում ստուգում չի անցկացվել: Թույլտվություն է տրամադրվում մեկ ամիս ժամկետով, սակայն եթե հետագա ամիսներին տեղական տուգանքները վճարվում են, ապա թույլտվության ժամկետը համարվում է երկարացված:
Առանց թույլտվության կամ խախտումներով առևտրի կետերի գործունեությունը ենթադրում է վարչական պատասխանատվություն: Առանց թույլտվության գործունեության համար տուգանքն առաջին անգամ կկազմի 100․000 դրամ, երկրորդ անգամ՝ 500․000 դրամ:
Մանրամասները՝ տեսանյութում:
