18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ակնհայտ է, որ նախագահի և իշխանության միջև եղել է պայմանավորվածություն. Մարուքյան. ՏԵՍԱՆՅՈՒԹ
Քաղաքականություն
24.06.2020 | 11:03
ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր հրավիրված ասուլիսի ընթացքում հայտարարեց, որ իրենք ՍԴ ընդունված օրենքի հարցով պատրաստվում են դիմել Սահմանադրական դատարան, սակայն միայն ՀՀ երկրորդ նախագահ Ռոբերտ Քոչարյանի դիմումի քննությունից հետո, որպեսզի իրենց քայլը չդիտարկվի իբրև միջամտություն այդ գործին:
Ստացվում է՝ ԼՀԿ-ն «Բարգավաճ Հայաստան» խմբակցության ստորագրահավաքին չի միանալու: Էդմոն Մարուքյանի խոսքով՝ այս հարցը ԲՀԿ-ի հետ քննարկել են, ժամկետների առումով ԲՀԿ-ն խնդիր չի տեսել:
Նույն խմբակցության պատգամավոր Տարոն Սիմոնյանն էլ հայտարարեց, որ Սահմանադրական դատարանի վերաբերյալ ընդունված նախագիծը եղել է Սահմանադրության խախտմամբ:
Ինչ վերաբերում է ՀՀ նախագահ Արմեն Սարգսյանի կողմից ՍԴ անդամների լիազորությունների դադարեցման համար անհրաժեշտ ԱԺ կանոնակարգ օրենքի փոփոխությունների ստորագրմանը՝ Մարուքյանն ասաց. «Ակնհայտ է, որ այդ հարցով նախագահի և իշխանության միջև եղել է պայմանավորվածություն»:
Մանրամասները՝ տեսանյութում:
Մերի Մարտիրոսյան
