08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
ՀՀ-ԵՄ համաձայնագրի ստորագրումը Հայաստանում կյանքը փոխելու բանալի կտա. Ստեփան Սաֆարյան
Քաղաքականություն
23.11.2017 | 17:40
«ՀՀ-ԵՄ համաձայնագրի ստորագրումը կտա բանալի՝ Հայաստանում կյանքը փոխելու, կտա հնարավորություն՝ դա անելու, կտա ուղենիշներ՝ համաձայնագրի կետերը կյանքի կոչելու համար»,- Factor.am-ի հետ զրույցում ասաց քաղաքագետ Ստեփան Սաֆարյանը՝ անդրադառնալով վաղը Բրյուսելում ստորագրվելիք ՀՀ-ԵՄ համաձայնագրին. «Եթե մենք սպասում ենք, որ Եվրոպան մեզ բարեկեցություն է բերելու այդպես չի լինելու, սա շատ լուրջ աշխատանք է ենթադրում, պահանջատիրության բարձր մակարդակ»:
Ստեփան Սաֆարյանի կարծիքով՝ մենք բոլոր բարեփոխումները կարող էինք անել, եթե լիներ քաղաքական կամք. «Այժմ կա ծրագիր, մնում է այն իրականացնել և պետք է յուրաքանչյուրն իրեն այդ ծրագրի իրականացման լիիրավ անդամ համարի, սա ռեֆորմների միջոցով Հայաստանն արդիականացնելու հնարավորություն է տալիս»:
Անդրադառնալով համաձայնագրի չստորագրման հավանականության հետ կապված դեռևս առկա մտահոգություններին, Սաֆարյանը նշեց. «ԵՄ 28 անդամ երկրները նախաստորագրել են համաձայնագիրը, և կարծում եմ, որ հռչակագրի տեքստի ձևակերպումներից զատ՝ այլ վտանգներ այս պահին չկան»:
Մանրամասները՝ տեսանյութում:
Լիլիթ Շաբոյան
