Քոչարյանի և Ծառուկյանի գործերով որոշումները փաստում են՝ իշխանությունից ճնշում չկա դատարանի վրա. Վիգեն Քոչարյան. ՏԵՍԱՆՅՈՒԹ

Լուրեր

17.11.2026 | 14:13
Ադրբեջանում առաջարկել են դադարեցնել ռուսերենով կրթության ֆինանսավորումը պետբյուջեից
17.11.2026 | 14:04
Ասում եք` հլը սպասեք, ՌԴ-ն ձեզ գցելու է Զելենսկու վիճակի մեջ, հետո գնում ՌԴ ասում` արա՛, քո քայլն է․ Մարիա Կարապետյան․ ՏԵՍԱՆՅՈՒԹ
17.11.2026 | 13:53
Մեսրոպ Մանուկյանի ճեպազրույցը. ՈՒՂԻՂ
17.11.2026 | 13:50
Ճապոնիան կործանիչներ է օդ բարձրացրել՝ ի պատասխան ռուսական ինքնաթիռի կողմից օդային տարածքի խախտման
17.11.2026 | 13:50
Ռուբինյանը պայման առաջարկեց. կողմ ենք քվեարկում ձեր հայտարարությանը, դուք՝ Սահմանադրության նախագծին․ ՏԵՍԱՆՅՈՒԹ
17.11.2026 | 13:42
Գեղամ Մանուկյանն արձագանքեց Վահագն Ալեքսանյանի՝ Քոչարյանի և Հեյդար Ալիևի մտերմության մասին ռեպլիկին․ ՏԵՍԱՆՅՈՒԹ
17.11.2026 | 13:37
Քոչարյանը միակն է ՀՀ-ում, որ Հեյդար Ալիևից երաշխավորագիր է ստացել. Վահագն Ալեքսանյան․ ՏԵՍԱՆՅՈՒԹ
17.11.2026 | 13:35
Հայ ծանրորդները կմասնակցեն Օլիմպիական վարկանշային մրցաշարի
17.11.2026 | 13:26
Եվրոպայի համար կարևոր է՝ թույլ չտալ Ռուսաստանի ազդեցության ուժեղացումը Հարավային Կովկասում․ Գերմանիայի ԱԳ նախարար
17.11.2026 | 13:19
Էդգար Ղազարյանը Արթուր Սարգսյանի բացակայության վերաբերյալ հարցեր ուղղեց. Ռուբինյանը չպատասխանեց․ ՏԵՍԱՆՅՈՒԹ
17.11.2026 | 13:16
Գևորգ Ստեփանյանի ճեպազրույցը. ՈւՂԻՂ
17.11.2026 | 13:15
Արմեն Գրիգորյանին ՔՊ-ից հեռացնելու հարց չի քննարկվում. Հասմիկ Հակոբյան
17.11.2026 | 13:07
Ռուսաստանը զանգվածային հարված է հասցրել Ուկրաինային․ Կիևում վնասվել է երկու կամուրջ
17.11.2026 | 13:04
«Բոլոր արժեքները պղծած». ԱԺ-ում հարվածում են սեղաններին Գարեգին Բ-ի աշխարհիկ անունը հնչելուց հետո․ ՏԵՍԱՆՅՈՒԹ
17.11.2026 | 12:59
Ենթադրում եմ` տիկին Հակոբյանի ելույթին եք հղում անում. խցանումները կապ չունեն շինթույլտվությունների հետ. Ավինյան․ ՏԵՍԱՆՅՈՒԹ
Բոլորը

Իշխող քաղաքական թիմին և անձամբ վարչապետ Նիկոլ Փաշինյանին ընդդիմությունից մեղադրում են դատական համակարգի վրա ճնշումներ գործադրելու մեջ՝ մեջբերելով մի քանի արտահայտություններ՝ «նախկին իշխանություններ դռների տակ վնգստացող դատավորներ», «Հրայր Թովմասյանի ու ՍԴ-ի հասցեին կոշտ քննադատություն», և իհարկե՝ հիշեցնում են դատարանները շրջափակելու վարչապետի կոչը, Նիկոլ Փաշինյանի, ՀՔԾ պետ Սասուն Խաչատրյանի ու ԱԱԾ նախկին տնօրենի խոսակցության գաղտնալսումը։ ՀՀ Բարձրագույն դատական խորհրդի անդամ Վիգեն Քոչարյանից հետաքրքրվեցինք՝ արդյո՞ք համարում է, որ իսկապես իշխանությունը ճնշում է գործադրում դատական համակարգի վրա։

«Երևի թե մենք պետք է կարողանանք հստակ տարանջատել այն, ինչն իրենից ներկայացնում է քաղաքական գործընթաց, ասենք՝ կապված դատական բարեփոխումների հետ, արդյո՞ք պետք է լինեն բարեփոխումներ, ինչպիսին պետք է լինեն, ինչ նպատակներ պետք է հետապնդեն։ Ինչ վերաբերում է դատարանների գործունեությանը միջամտելուն, ապա այստեղ օրենքը շատ հստակ է ամեն ինչ ձևակերպում, և այդ միջամտությունը չի կարող լինել վերացական։ Խոսք պետք է գնա կոնկրետ դատավորի, կոնկրետ գործով որոշակի ներազդեցության մասին, որպեսզի նպատակ հետապնդի կոնկրետ գործով դատարանի որոշման վրա ներազդել»,- ասաց Վիգեն Քոչարյանը։

Նա հիշեցրեց նաև վարչապետ Նիկոլ Փաշինյանի՝ դատական համակարգի մասին հնչեցրած այլ գնահատականներ ևս, որ, օրինակ, դատական համակարգում կան դատավորներ, որոնք իրոք նվիրյալ են իրենց գործին և դժվարին պայմաններում մասնագիտական պարտքը հասարակության առջև կատարում են։

«Ինչ վերաբերում է նրան՝ արդյո՞ք այդ քաղաքական բանավեճերի արդյունքում ինչ-որ ձևով գործընթացն ազդել է դատական համակարգի կամ առանձին դատավորների վրա, ապա ես կարծում եմ, որ անցած շաբաթվա զարգացումները վառ ապացույցն են, որ նման վտանգի մասին խոսելն այդքան էլ տեղին չէ, և դատավորներն իրենց որոշումները ընդունելիս առաջնորդվում են իրենց ներքին համոզմամբ, որ իրենց մոտ ձևավորվել է»,- նշեց նա։

Վիգեն Քոչարյանը կարծում է նաև, որ Ռոբերտ Քոչարյանին կալանքից ազատելու և Գագիկ Ծառուկյանին չկալանավորելու՝ դատական որոշումները վկայությունն են այն բանի, որ դատարանների գործունեության վրա իշխանության կողմից որևէ ճնշում կամ միջամատություն գոյություն չունի։

Ի դեպ, ԲԴԽ-ն դիմել է Ոստիկանություն՝ Ռոբերտ Քոչարյանին կալանքից ազատած դատավորի հասցեին տարածված վիրավորանքի և սպառնալից գրառումների կապակցությամբ։ Վիգեն Քոչարյանն ասաց՝ դատավոր Արսեն Նիկողոսյանն է դիմում հասցեագրել ԲԴԽ-ին, ում հետ նաև հանդիպում է տեղի ունեցել։

«Պարոն Նիկողոսյանը ներկայացրեց, որ սոցիալական ցանցերում իր հասցեին հնչում են վիրավորանքներ և սպառնալիքներ, այդ թվում՝ անձնական հաղորդագրություններով են գրում, և նա որոշակի մտահոգություն ուներ իր ֆիզիկական անվտանգության առումով։ Մենք այն մարմինը չենք, որ գնահատենք այդ վտանգի աստիճանը, և մենք դիմեցինք Ոստիկանություն»,- ասաց ԲԴԽ անդամը։

Դատավոր Նիկողոսյանի նկատմամբ նման վերաբերմունքը մասնավո՞ր դեպք է, թե՞ համակարգային երևույթի հետ գործ ունենք։ Վիգեն Քոչարյանին հիշեցրինք նաև Աննա Դանիբեկյանի հետ կապված միջադեպը։ «Տիկին Դանիբեկլյանի գործը մի քիչ այլ էր, որովհետև ունեինք ոչ թե սպառնալիքներ, այլ նաև գործողություններ։ ԲԴԽ-ն այդ դեպքում ևս արձագանքեց, և մենք պետք է ուշադիր լինենք, մեզանից կախված միջոցները ձեռնարկենք, եթե խնդիր է առկա»,- ասաց Վիգեն Քոչարյանը։

Հարցազրույցն ամբողջությամբ՝ տեսանյութում։

Ռոբերտ Անանյան