20.01.2026 | 09:46
Արտարժույթների փոխարժեքները՝ հունվարի 20-ի դրությամբ
Ֆրանսիան թուլացնում է կորոնավիրուսային սահմանափակումները․ Deutsche Welle
Քաղաքականություն
22.06.2020 | 20:57
Այսօրվանից Ֆրանսիան թուլացնում է կորոնավիրուսային պանդեմիայի պատճառով մտցված սահմանափակումները։ Մասնավորապես՝ կվերաբացվեն զբոսաշրջիկների համար նախատեսված ճամբարային կեցավայրերը և կինոթատրոնները, ինչպես նաև կվերագործարկվեն Փարիզի մետրոյի բոլոր կայարանները։ Այս մասին հայտնում է Deutsche Welle-ն։
Երկրի ողջ տարածքում կբացվեն նաև դպրոցները և երեխաների ներկայությունը դասերին պարտադիր կլինի։ Արդեն հունիսի 24-ից հնարավոր կլինի Էյֆելյան աշխարակ բարձրանալ։ Հունիսի 26-ից էլ աշխատանքը կվերսկսի Փարիզի «Օրլի» օդանավակայանը, որը COVID-19-ի պատճառով փակվել էր։
Հավելենք, որ վերջին տվյալներով՝ Ֆրանսիայում COVID-19-ի հաստատված դեպքերը 160․377-ի են հասել, իսկ մահվան դեպքերը՝ 29․640-ի։ Երկրում մինչ օրս կորոնավիրուսից ապաքինվել է 74․372 մարդ։
Նելլի Մելքոնյան
