16.06.2026 | 19:10
«Հորն ու մորն էլ չի ճանաչում»․ մանրամասներ թմրանյութից տուժած 12-ամյա տղայի վիճակի մասին
Պուտինը չի բացառել, որ կառաջադրվի նախագահական նոր ժամկետի համար
Քաղաքականություն
21.06.2020 | 20:00
ՌԴ նախագահ Վլադիմիր Պուտինը չի բացառում, որ նախագահական հաջորդ ընտրություններում կառաջադրվի նաև իր թեկնածությունը։ Սակայն դա կարող է տեղի ունենալ, եթե Սահմանադրությունում արվեն փոփոխություններ, գրում է ՏԱՍՍ-ը։
Պուտինը «Ռոսիա 1» հեռուստաալիքի նկարահանած ֆիլմի հարցազրույցում ասել է, թե իր համար կայացրած որոշում դեռ չունի։ Նա բոլոր պաշտոնյաներին հորդորել է այժմ ոչ թե իր իրավահաջորդին փնտրել, այլ զբաղվել անմիջական աշխատանքով․ «Մենք պետք է աշխատենք, այլ ոչ թե փնտրենք իրավահաջորդներ։ Գիտեք, հիմա ես կխոսեմ բացարձակ բաց․ եթե Սահմանադրության համապատասխան փոփոխությունները չընդունվեն, ապա երկու տարի հետո, ես դա իմ փորձից գիտեմ, իշխանության տարբեր մարմիններում կսկսվի իրավահաջորդի փնտրտուքը՝ տեմպային աշխատելու փոխարեն»։
Վլադիմիր Պուտինը չափազանց մեծ համոզվածություն ունի, որ սահմանադրական առաջարկվող փոփոխությունները ճշմարտացի են։
«Ես միանգամայն համոզված եմ, որ ճիշտ ենք անում՝ Սահմանադրությունում փոփոխություններ անելով։ Վերջին ամիսների իրադարձություններն ապացուցել են դա։ Այսօր գործող Սահմանադրությունն ընդունվել է առանձնահատուկ ժամանակաշրջանում, երբ ներքաղաքական ճգնաժամ էր, երբ տանկերը գնդակոծել էին խորհրդարանն ու բախումներ էին տեղի ունեցել Մոսկվայում։ Այսօր, փառք Աստծո․ ներքաղաքական կյանքը կայուն է, բայց կան սուվերենությանը վերաբերող այլ բաներ»,- ասել է ՌԴ նախագահը։
