03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Աշխարհում COVID-19-ի դեպքերը 9 միլիոնին են մոտենում․ worldometers.info
Քաղաքականություն
21.06.2020 | 12:24
Աշխարհում նոր տեսակի կորոնավիրուսով (COVID-19) վարակման դեպքերը հասել են 8․923․821-ի։ Ակտիվ դեպքերը 3․712․998-ն են, որոնցից 54․510-ը՝ ծանր կամ ծայրահեղ։ Այս մասին տեղեկանում ենք կորոնավիրուսի համաշխարհային վիճակագրությունը ներկայացնող worldometers.info կայքից։
Աշխարհում մինչ օրս COVID-19-ից գրանցվել է 466․901 մահ։ Ամենաշատ մահացությունն ունի ԱՄՆ-ն (121.980) և Բրազիլիան (50.058): ԱՄՆ-ն առաջատարն է նաև վարակման հաստատված դեպքերի ցուցանիշով (2.3 միլիոնից ավելի)։ Տարածաշրջանում կորոնավիրուսից ամենատուժած երկիրը Ռուսաստանն է՝ 576․952 դեպքով և 8․002 մահվան ելքով։
Վերջին օրերին կորոնավիրուսի տարածումն ակտիվացել է նաև Հնդկաստանում։ Այնտեղ մինչ օրս վարակման 412․210 դեպք է գրանցվել։
Եվրոպայում COVID-19-ի ամենաշատ դեպքերը հաստատվել են Մեծ Բրիտանիայում ու Իսպանիայում՝ համապատասխանաբար 303․110 և 293․018 դեպքով։ Եվրոպական երկրների շարքում Մեծ Բրիտանիան առաջատարն է նաև մահվան ելքերի թվով։ Այնտեղ մինչ օրս COVID-19-ից գրանցվել է 42․589 մահ։
Նելլի Մելքոնյան
