05.11.2024 | 17:27
Թբիլիսիի դատարանը 3 ամսով երկարացրել է Բաքվի կողմից հետապնդվող ադրբեջանցի ընդդիմադիր լրագրողի կալանքը
Նոր փոփոխություններ՝ հիփոթեքով բնակարան ձեռք բերելու կարգում
Տնտեսություն
23.11.2017 | 13:14
Եկամտահարկը որպես տոկոսադրույք փոխանցվում է այն վարկառուին, որը գնում է բնակարան նորակառույց շենքում, կառավարության նիստից հետո լրագրողների հետ զրույցում պարզաբանեց ՀՀ ֆինանսների նախարար Վարդան Արամյանը՝ հստակեցնելով, թե որ դեպքում է պետությունը հետ վերադարձնում վարկառուին եկամտահարկը:
«Տվյալ սեփականատերը կամ վարկառուն կամ համավարկառուն չպետք է ունենան այլ բնակարան։ Եղել են դեպքեր, երբ մարդը ունեցել է մեկ բնակարան, բայց ևս երկուսը գնել է։ Հարց է առաջանում՝ եթե մարդը ունի մեկ բնակարան, ևս երկուսը գնում է, ինչո՞ւ պիտի հարկատուների հաշվին նրա եկամտահարկը հետ վերադարձվի», – նշեց Ֆինանսների նախարարը:
Նախարարի խոսքով՝ այս փոփոխությամբ փորձում են հարկատուների փողերն ավելի նպատակային օգտագործել։ «Պետք է ասեմ, որ բոլոր այն վարկառուները, որոնք արդեն իսկ ունեն ձեռք բերված բնակարաններ, բնականաբար, օրենքն իրենց վրա հետադարձ ուժ չի ունենա», – հավելեց Վարդան Արամյանը:
Օրենքի նախագիծն ուժի մեջ կմտնի 2018 թվականի հունվարի 1-ից:
Մանրամասները՝ տեսանյութում:
