08.08.2026 | 13:20
«Ծիրան» սուպերմարկետում հացի արտադրամասի գործունեությունը կասեցվել է՝ սանիտարական խախտումների պատճառով
Եթե կողմերից մեկն ասում է՝ կամ ամեն ինչ, կամ ոչինչ, բնական է՝ առաջընթաց չի լինի. Շավարշ Քոչարյան
Քաղաքականություն
23.11.2017 | 12:47
ԼՂ հակամարտության կարգավորման հարցում առաջընթաց կգրանցվի այն պարագայում, երբ կողմերի միջև լինի վստահություն: Այս մասին այսօր Կառավարության նիստից հետո լրագրողների հետ զրույցում ասաց արտաքին գործերի նախարարի տեղակալ Շավարշ Քոչարյանը:
«Բազմիցս ասվել է, որպեսզի բանակցությունները կարողանան առաջ շարժվել, կողմերի միջև պետք է լինի վստահություն, իսկ վստահությունն իր մեջ ներառում է նաև այն միջոցառումների իրականացումը, որոնց մասին խոսվել է և՛ Վիեննայում, և՛ Սանկտ Պետերբուրգում: Ինչ վերաբերում է հետաքննության մեխանիզմների տեղադրմանը, ապա դա Ադրբեջանի միջազգային պարտավորությունն է՝ դեռևս 1995 թվականի եռակողմ պայմանագրով: Բանակցություններում առաջընթաց չի լինի, քանի դեռ կողմերից մեկն առաջ է շարժվում կա՛մ ամեն ինչ, կա՛մ ոչինչ սկզբունքով»,- ասաց փոխարտգործնախարարը:
Մանրամասները՝ տեսանյութում:
