01.07.2026 | 21:13
Վարչական դատարանը բավարարել է Մայր Աթոռի հայցն ընդդեմ ոստիկանության
«Հայաստանում COVID-19-ի դեպքերի աճ կա»․ ԱՀԿ պաշտոնյա
Քաղաքականություն
18.06.2020 | 22:35
COVID-19-ի հաստատված դեպքերի 31%-ը և մահերի 43%-ը Եվրոպայում է գրանցվել։ Այժմ այնտեղ օրական 17-20 հազար նոր դեպք է գրանցվում։ Նախորդ ամիս գրեթե 3 անգամ աճել է եվրոպական այն երկրների թիվը, որտեղ կորոնավիրուսով վարակվածության ցուցանիշն ավելացել է՝ 6-ից դառնալով 21։ Այս մասին այսօր հայտարարել է Առողջապահության համաշխարհային կազմակերպության եվրոպական տարածաշրջանային բյուրոյի տնօրեն Հանս Կլյուգը:
Նրա խոսքով՝ մի շարք երկրներում վարակման դեպքերի աճ կա: Դրանց թվում են Հյուսիսային Մակեդոնիան, Հայաստանը, Ադրբեջանը, Ուզբեկստանն ու Իսրայելը։
«Շատ երկրներում Covid-19- ը շարունակում է մնալ շատ ակտիվ փուլում: Կարևոր է, որ արգելափակումից հետո մենք շարունակենք վերականգնվել և վերակառուցվել, բայց նաև կարևոր է, որ իշխանությունները լիարժեք ներդրումներ կատարեն՝ վարակակիրներին հայտնաբերելու, թեստավորելու և հետաքննելու համար՝ այդպիսով խուսափելով առաջիկա շաբաթներին և ամիսներին լրացուցիչ ծախսատար արգելափակումներից»,- ասել է Կլյուգը։
Նելլի Մելքոնյան
