22.01.2026 | 23:13
Կանխատեսվում է նորմայից բարձր ջերմաստիճան. Ազիզյան
ԱԺ-ն արտահերթ նիստ կգումարի. օրակարգում է նաև ընտանեկան բռնությունը կանխարգելող օրինագիծը
Քաղաքականություն
23.11.2017 | 10:41
ՀՀ Կառավարության առաջարկով Ազգային ժողովն արտահերթ նիստ կգումարի: Այս մասին հարցը ներառված է Կառավարության նիստի այսօրվա օրակարգում: Որոշման նախագծի մեջ ասվում ՝ ղեկավարվելով Հայաստանի Հանրապետության Սահմանադրության 100-րդ և «Ազգային ժողովի կանոնակարգ» օրենքի 44-րդ հոդվածներով` ՀՀ կառավարությունը որոշում է՝ առաջարկել Հայաստանի Հանրապետության Ազգային ժողովի նախագահին 2017 թվականի դեկտեմբերի 12-ին ժամը 10:00-ին գումարել Հայաստանի Հանրապետության Ազգային ժողովի արտահերթ նստաշրջան:
Նշենք, որ նիստի օրակարգում ներառված է 19 հարց, այդ թվում՝ «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» աղմկահարույց օրինագիծը, որն արդն արժանացել է կառավարության հավանությանը: Նախագծերի փաթեթի ընդունմամբ ակնկալվում է ապահովել ընտանեկան բռնության կանխարգելման կազմակերպաիրավական հիմքերը, ընտանեկան բռնության ենթարկված անձանց պաշտպանությունն ու անվտանգությունը, արդարադատության մատչելիությունը, նրանց տրամադրել անհրաժեշտ հոգեբանական, իրավաբանական, սոցիալական, համապատասխան դեպքերում` նաև ժամանակավոր նյութական աջակցություն:
