02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ՀՀ-ում անցում կկատարվի կենսաթոշակների վճարման անկանխիկ եղանակի․ նախագիծն ընդունվեց ամբողջությամբ
Տնտեսություն
18.06.2020 | 20:49
Այսօր Ազգային ժողովը երկրորդ ընթերցմամբ և ամբողջությամբ ընդունեց «Պետական կենսաթոշակների մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը: Նախագծով առաջարկվում է անցում կատարել կենսաթոշակների վճարման անկանխիկ եղանակի` բացառությամբ որոշ դեպքերի:
Առաջին ընթերցմամբ ընդունվելուց հետո կատարվել են փոփոխություններ, ըստ որի, փաթեթում առկա գործընթացի ժամկետները հետաձգվել են 6 ամսով:
Կենսաթոշակների անկանխիկ համակարգին նախատեսվում է անցում կատարել փուլային տարբերակով` նախ Երևան, Գյումրի և Վանաձոր քաղաքներում, ապա հաջորդաբար` մնացած քաղաքային բնակավայրերում:
Կառավարության հեղինակած օրինագիծն ընդունվեց 83 կողմ և 16 դեմ ձայներով:
