Անի համայնքում կորոնավիրուսային իրավիճակը կայունանում է․ նոր մեծ բռնկումներ չկան

Լուրեր

17.11.2026 | 13:16
Գևորգ Ստեփանյանի ճեպազրույցը. ՈւՂԻՂ
17.11.2026 | 13:15
Արմեն Գրիգորյանին ՔՊ-ից հեռացնելու հարց չի քննարկվում. Հասմիկ Հակոբյան
17.11.2026 | 13:07
Ռուսաստանը զանգվածային հարված է հասցրել Ուկրաինային․ Կիևում վնասվել է երկու կամուրջ
17.11.2026 | 13:04
«Բոլոր արժեքները պղծած». ԱԺ-ում հարվածում են սեղաններին Գարեգին Բ-ի աշխարհիկ անունը հնչելուց հետո․ ՏԵՍԱՆՅՈՒԹ
17.11.2026 | 12:59
Ենթադրում եմ` տիկին Հակոբյանի ելույթին եք հղում անում. խցանումները կապ չունեն շինթույլտվությունների հետ. Ավինյան․ ՏԵՍԱՆՅՈՒԹ
17.11.2026 | 12:50
Մասիս Մելքոնյանին գաղտնալսելու թույլտվությունը տվել է Ժորա Չիչոյանը
17.11.2026 | 12:42
Հայելու մեջ նայե՛ք, հասկացեք` ինչ տիպի չկաք. փոխքաղաքապետը` ընդդիմությանը․ ՏԵՍԱՆՅՈՒԹ
17.11.2026 | 12:36
Տիգրան Ավինյանի ճեպազրույցը՝ ՈւՂԻՂ
17.11.2026 | 12:34
«Խորոված էիք անում, երբ ժողովրդավարության բարձր ցուցանիշ կար». ընդդիմության առաջարկը մերժվեց․ ՏԵՍԱՆՅՈՒԹ
17.11.2026 | 12:28
Ուկրաինական ԱԹՍ-ների հարվածի հետևանքով Բաշկորտոստանում հրդեհ է բռնկվել «Գազպրոմի» գործարանում
17.11.2026 | 12:18
Երևանում մեկնարկել են հայկական երկաթուղու շուրջ հայ-ռուսական քննարկումները
17.11.2026 | 12:17
Ողջունո՞ւմ եք երաժշտական դպրոցի տնօրենի պահվածքը. Արշակ Սարգսյանը` Ավինյանին․ ՏԵՍԱՆՅՈՒԹ
17.11.2026 | 12:10
ԱԺ-ն ընդդիմության նախագիծն օրակարգում չընդգրկեց // Ղրիմի կամրջի մի հատված փլուզվել է․ ԼՈՒՐԵՐ
17.11.2026 | 12:04
ՈՒԵՖԱ-ն իր թեկնածուին է ընտրել ՖԻՖԱ-ի նախագահի ընտրություններում
17.11.2026 | 11:58
Ռուբեն Ռուբինյանի ճեպազրույցը՝ ՈՒՂԻՂ
Բոլորը

Շիրակի մարզում կորոնավիրուսի հիմնական օջախներից է Անի խոշորացված համայնքը, հատկապես՝ Մարալիկ քաղաքը, որտեղ համավարակի  տարածման սկզբնական փուլում մեծ թվով մարդիկ էին վարակվել, այդ թվում՝ Մարալիկի առողջության կենտրոնի բուժաշխատողները։ Պարետի որոշմամբ՝ Մարալիկ ու Ձորակապ բնակավայրերում սահմանվել էր վարչական սահման մուտքի և ելքի հատուկ ռեժիմ։

Վերջին օրերին մարզում կորոնավիրուսով հիվանդների թվի աճ է նկատվում, սակայն Անի համայնքում իրավիճակը կայունանում է։ Այս մասին Factor.am-ի հետ զրույցում ասաց Անի խոշորացված համայնքի ղեկավար Արտակ Գևորգյանը։ Նրա խոսքով՝ իրավիճակը հանգիստ ու կայուն է, վերջին շրջանում կորոնավիրուսով վարակի բռնկումներ չեն եղել։

«Մենք կանխարգելիչ բոլոր գործողությունները կատարեցինք, և պարետան հանձնարարություններով ու փակ քաղաք կարգավիճակով լրիվ նորմալ վիճակի հասանք։ Իրավիճակը դրանից հետո կարգավորվել է։ Բնական է՝ դեպքեր լինում են, բայց նախորդ շրջանի հետ համեմատ՝ մեծ բռնկումներ չկան»,- ասաց Արտակ Գևորգյանը։

Մարդիկ, ըստ համայնքի ղեկավարի, բավական զգուշավոր են, հակահամաճարակային անվտանգության կանոնները հիմնականում պահպանում են։

«Մարդիկ բավական նորմալ պահում են հակահամաճարակային կանոնները, քանի որ մեզ մոտ ժամանակին խնդիր ենք ունեցել, բնական է՝ բնակչությունն ավելի իրազեկված է, պահում է նորմերը»,- ասաց Գևորգյանը։

Տեսչական մարմիններն իրենց հերթին ստուգումներ են իրականացնում տնտեսվարողների մոտ, խախտումների դեպքում՝ տուգանում։

«Համապատասխան կառույցները եկել, կանխարգելիչ միջոցառումներ են անցկացրել, լուծումներն ապահովել են, համապատասխան հանձնարարությունները տրվել են»,- ասաց Արտակ Գևորգյանը։

Նշենք, որ Շիրակի մարզպետարանի հրապարակած վերջին տվյալների համաձայն՝ Գյումրու ինֆեկցիոն հիվանդանոցում կորոնավիրուսով 63 հիվանդ է բուժվում, որից  52-ը Շիրակի մարզի բնակիչ է։ Կորոնավիրուսից առողջացել և հիվանդանոցից մինչ օրս դուրս է գրվել մարզի 224 բնակիչ։ 32 հիվանդ տեղափոխվել և բուժում է ստանում մայրաքաղաքում։ Տնային ինքնամեկուսացման ցուցում ունի 1123 քաղաքացի, նրանցից 201-ի մոտ դրական ախտորոշում կա՝ հիվանդության անախտանիշ ընթացքով։ Նրանց հսկողությունն իրականացվում է առողջության առաջնային օղակի կողմից։

Շիրակի մարզում, ընդհանուր առմամբ, կորոնավիրուսից մահվան 14 դեպք է արձանագրվել։

Էմմա Չոբանյան