01.07.2026 | 08:52
ԱԱ-2026. Մեքսիկան 1/8 եզրափակիչում է. ՏԵՍԱՆՅՈՒԹ
Ղրղզստանի նոր վարչապետ է ընտրվել Կուբաթբեկ Բորոնովը
Քաղաքականություն
17.06.2020 | 16:16
Ղրղզստանի նոր վարչապետ է ընտրվել Կուբաթբեկ Բորոնովը, որը մինչ այս զբաղեցնում էր առաջին փոխվարչապետի պաշտոնը։ Այս մասին տեղեկանում ենք Sputnik.kg-ից։
Բորոնովի թեկնածության օգտին քվեարկել է ազգային խորհրդարանի 120 պատգամավորներից 105-ը, դեմ է արտահայտվել 2 պատգամավոր։ Առաջին փոխվարչապետի պաշտոնը կզբաղեցնի խորհրդարանի «Ղրղզստան» խմբակցության առաջնորդ Ալմազբեկ Բաատիրբեկովը։
Միաժամանակ, պատգամավորները հավանության են արժանացրել Ղրղզստանի նոր կառավարության կազմը, կառուցվածքն ու ծրագիրը։
Կոալիցիայի ղեկավար Իսա Օմուրկուլովը հայտարարել է, որ Բորոնովի թեկնածությունն առաջադրվել է՝ իշխանության շարունակակությունն ու երկրում կայունությունը պահպանելու համար։
Նշենք, որ Ղրղզստանի նախկին վարչապետ Մուհամմեդկալի Աբիլղազիևը հրաժարականի մասին հայտարարել էր հունիսի 15-ին՝ նշելով, որ ցանկանում է խուսափել ռադիոհաճախականությունների վաճառքի ժամանակ կոռուպցիային առնչվող քրեական գործով նախաքննության վրա ճնշում գործադրելու մասին մեղադրանքներից։
Հաջորդ օրն իսկ նախագահ Սոորոնբայ Ժեենբեկովը ստորագրել է Աբիլղազիևի և նրա կաբինետի հրաժարականի մասին հրամանագիրը։
