19.09.2026 | 15:06
Ջերմուկում հայտնաբերվել է կեղծ օղու 24 շիշ և 1738 տուփ ծխախոտ․ 31-ամյա տղամարդը ձերբակալվել է
Հայաստանի խորհրդարանը պաշտպանում է խարդախության համար ընդդիմության առաջնորդի ձերբակալությունը․New York Times-ի անդրադարձը՝ Ծառուկյանին անձեռնմխելիությունից զրկելուն
Քաղաքականություն
16.06.2020 | 21:38
Հայաստանի խորհրդարանն այսօր կողմ քվեարկեց ամենամեծ ընդդիմադիր խմբակցության ղեկավարին անձեռնմխելիությունից զրկելուն և թույլ տվեց, որ նրան խարդախության կասկածանքով ձերբակալեն։ Այս մասին գրում է ամերիկյան հեղինակավոր New York Times պարբերականը՝ անդրադառնալով այսօր՝ 87 կողմ և 0 դեմ ձայնով ԲՀԿ առաջնորդ Գագիկ Ծառուկյանին պատգամավորական անձեռնմխելիությունից զրկելու և նրա նկատմամբ քրեական հետապնդում սկսելու գործընթացին։
New York Times-ի հոդվածում նշվում է․ ««Բարգավաճ Հայաստան» կուսակցության առաջնորդը և Հայաստանի ամենահարուստ գործարարներից մեկը ՝ Գագիկ Ծառուկյանը, հերքել է, թե ինքը որևէ անօրինական գործողություն է կատարել և նշել, որ այս քայլը քաղաքական դրդապատճառներ ունի: Ծառուկյանն ԱԱԾ կողմից քննության է ենթարկվել՝ քվե գնելու, խարդախության և հողերի ապօրինի յուրացման կասկածանքով:
Անցյալ կիրակի նրա տունն էին խուզարկում, հետո՝ հարցաքննում։ Վերջերս Ծառուկյանը մեղադրել է Հայաստանի վարչապետ Նիկոլ Փաշինյանին և նրա կառավարությանը ՝ տնտեսության հետ անհմուտ կերպով վարվելու և կորոնավիրուսային համաճարակի դեմ արդյունավետ պայքարը ձախողելու համար։
Փաշինյանն ու իր կուսակցությունը իշխանության եկան 2 տարի առաջ՝ կոռուպցիայի դեմ խաղաղ հեղափոխությունից հետո, որի հետ Ծառուկյանն, ի վերջո, համակերպվեց։ 2018 թվականի դեկտեմբերին կայացած խորհրդարանական ընտրություններում Ծառուկանի ղեկավարած խմբակցությունը խորհրդարանի 132 տեղերից ստացավ 26-ը: Խմբակցության անդամներից ոմանք կառավարությունում պաշտոններ զբաղեցրին, սակայն շուտով ազատվեցին աշխատանքից»։
Նելլի Մելքոնյան
