18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՌԴ մայրաքաղաքում այսօր մեկնարկում է կորոնավիրուսի սահմանափակումների թուլացման 2-րդ փուլը․ Մոսկվայի քաղաքապետ
Քաղաքականություն
16.06.2020 | 14:34
Ռուսաստանի մայրաքաղաք Մոսկվայում այսօրվանից մեկնարկում է կորոնավիրուսային սահմանափակումների թուլացման 2-րդ փուլը։ Այս մասին տեղեկանում ենք Մոսկվայի քաղաքապետ Սերգեյ Սոբյանինի պաշտոնական կայքից։
Այսպիսով, կբացվեն ռեստորանների և սրճարանների բացօթյա հատվածները, գրադարանները, անշարժ գույքի գրասենյակները, վարձակալման ծառայությունները, գովազդի, խորհրդատվության և ծառայությունների մատուցման այլ գործակալություններ: Կվերացվեն ատամնաբուժարաններում պլանավորված խնամքի տրամադրման սահմանափակումները, կվերաբացվեն թանգարանները, ցուցահանդեսային սրահները, կենդանաբանական այգիները։ Մարզական միջոցառումներ հնարավոր կլինի կազմակերպել միայն այն պայմանով, որ հանդիսատեի համար նախատեսված նստարանները զբաղված լինեն ոչ ավելի, քան 10%-ով։
Սահմանափակումների վերացման հաջորդ փուլն ուժի մեջ կմտնի հունիսի 23-ից։ Այդ օրվանից Մոսկվայի բնակիչները հնարավորություն կունենան հաճախել մարզասրահներ, լողավազաններ, բաղնիք, շոգեբաղնիք, ռեստորաններ, սրճարաններ, բարեր և հանրային սննդի այլ օբյեկտներ։
Միաժամանակ նշվում է, որ սահմանափակումների չեղարկման ժամկետները կարող են փոխվել, եթե կորոնավիրուսի տարածման տեմպերը փոխվեն։
Հիշեցնենք՝ հունիսի 9-ից Մոսկվայում չեղարկվել է պարտադիր ինքնամեկուսացման ռեժիմը, ինչը նշանակում է, որ քաղաքացիները կարող են ազատ դուրս գալ փողոց և այցելել հանրային վայրեր։
Հավելենք, որ վերջին 1 օրում Ռուսաստանում գրանցվել է COVID-19—ով վարակման 8․248 նոր դեպք, որից 2874-ը՝ Մոսկվայում։ Կորոնավիրուսի ցուցանիշով Ռուսաստանն աշխարհում 3-րդ երկիրն է։
Նելլի Մելքոնյան
