09.10.2026 | 11:42
Լոռիում քննարկվել է ԱԲ-ի կիրառումը հաշմանդամություն ունեցող անձանց իրավունքների պաշտպանության համար
Մեզ մի վախեցրեք բանտերով, բանտում մարդիկ մերն են, մենք՝ նրանցը․ Վարդան Ղուկասյան. ՏԵՍԱՆՅՈՒԹ
Քաղաքականություն
16.06.2020 | 13:32
Գագիկ Ծառուկյանը տասնյակ հազարավոր աշխատատեղեր է ստեղծել և պետական ոչ մի կառույցում չի աշխատել։ Այս մասին այսօր Ազգային ժողովում ԲՀԿ առաջնորդ Գագիկ Ծառուկյանին պատգամավորական անձեռնմխելիությունից զրկելու միջնորդության քննարկման ժամանակ ասաց «Բարգավաճ Հայաստան» խմբակցության պատգամավոր Վարդան Ղուկասյանը։
«Բոլորն ասում են, որ երեք ամիս հետո սով է լինելու։ Մենք փոխանակ էդ հարցերի վերաբերյալ լուրջ քննարկումներ անցկացնենք, էս կորոնավիրուսը, որ մի սարսափելի բան է հանրապետությունում․․․ վերջը էս թիմը հսկայական ձայներ ունի, էդ ժողովուրդը դուրս է գալու, ոնց որ մի քանի օր առաջ։ Այսինքն՝ ստացվելու է մարդիկ մեկը մյուսին նորից հիվանդացնելու են։ Իսկ էս պահի՞ն էր դա անհրաժեշտ, միգուցե սրանից առաջ, միգուցե սրանից հետո»,- ասաց Ղուկասյանը։
Նրա խոսքով՝ օրենքը պետք է խղճից բխի, իսկ եթե խղճից չի բխում, ուրեմն օրենքները պետք է փոխվեն։
«Հետո Պողոս առաքյալը 8 անգամ դատվեց։ Էնքան վախեցնում եք՝ դատարան կգնաս, բանտ կգնաս։ Տո՛, բանտում մարդիկ մերն են, մենք նրանցն ենք, բոլորս էլ նույնն ենք։ Լենինն է դատվել, Պողոս առաքյալն է դատվել, ոչինչ, դրանից հետո էլ կյանք կա, դրանից հետո էլ իրար երես նայելու բան կա։ Մի դատեք, որ չդատվեք»,- եզրափակեց պատգամավորը։
Մանրամասները՝ տեսանյութում։
