12.09.2026 | 18:21
Տավուշում հայտնաբերվել է շուրջ 1,5 խմ ապօրինի տեղափոխվող վառելափայտ
Մենք մեծացնելու ենք վարչական ներգործության մեթոդները․ վարչապետ. ՏԵՍԱՆՅՈՒԹ
Հասարակություն
15.06.2020 | 18:21
Կարծում եմ՝ եկել է ժամանակը խոստովանելու, որ մենք մինչև այս պահը չենք կարողացել մեր հայրենակիցներին համոզել կամ պարտադրել, որ պահեն հակահամաճարակային ամենատարրական և ամենաէֆեկտիվ կանոնը․ խոսքը դիմակներ կրելու մասին է: Պարետատան այսօրվա նիստից հետո հրավիրված ճեպազրույցում այս մասին ասաց ՀՀ վարչապետ Նիկոլ Փաշինյանը:
«Պետք է արձանագրենք, որ ՀՀ-ում, ի հեճուկս պարետատան կայացրած որոշումների, կիրառվող վարչական վարույթների, լայնածավալ քարոզչության, Կառավարության գործունեության թափանցիկության՝ Հայաստանում մարդիկ զանգվածաբար չեն կրում դիմակներ: Պետք է ասեմ, որ սա ՀՀ-ում կորոնավիրուսի տարածման թիվ մեկ պատճառն է»,- ասաց վարչապետը՝ հավելելով, որ նման եզրակացություն անելու համար ձեռքի տակ միջազգային հետազոտություն ունենք, որը հրապարակել է «Ֆորբս» ամսագիրը:
Ներկայացնելով հրապարակումը՝ Փաշինյանը նշեց, որ տասնյակ երկրների, այդ թվում՝ վարակից ամենաշատը տուժած Իտալիայի, Իսպանիայի, ԱՄՆ-ի փորձը ցույց է տալիս, որ դիմակներն այս վիրուսի դեմ պայքարում վճռորոշ ազդեցություն ունեն և թույլ են տալիս էականորեն կրճատել դրա տարածումը:
Նիկոլ Փաշինյանը հավելեց, որ մեծացնելու են վարչական ներգործության ծավալները, բայց, միևնույն է, մարդիկ պետք է գիտակցեն ու կրեն դիմակներ:
Մանրամասները՝ տեսանյութում։
