28.11.2024 | 12:31
Դուդայի՝ հայ-ադրբեջանական սահման այցի համար Բաքվում Լեհաստանի գործերի հավատարմատարը կանչվել է ԱԳՆ
Frontex-ը նախազգուշացրել է Թուրքիայի և Հունաստանի սահմանին էսկալացիայի վտանգի մասին
Քաղաքականություն
15.06.2020 | 16:07
Թուրքիայի և Հունաստանի սահմանին իրավիճակը, փախստականների և միգրանտների մեծ հոսքի պատճառով, կարող է կտրուկ վատթարանալ։ DW-ի ռուսական ծառայության փոխանցմամբ՝ նման նախազգուշացմամբ է հանդես եկել Արտաքին սահմանների պահպանության եվրոպական գործակալության (Frontex) ղեկավար Ֆաբրիս Լեգերին։
Նա հավելել է, որ եթե Անկարան «այնպիսի իրավիճակ ստեղծի, ինչպես մարտին», Frontex-ը զգալիորեն կավելացնի իր անձնակազմի թիվը Հունաստանում։
Մարտին Թուրքիայի նախագահ Ռեջեփ Թայիփ Էրդողանը հայտարարել էր, որ Անկարան այլևս չի խոչընդոտելու թուրքական տարածքում գտնվող փախստականների տեղաշարժին դեպի ԵՄ երկրներ՝ բացելով սահմանները միգրանտների համար։
Լեգերիի խոսքով՝ «ճգնաժամային իրավիճակում» գործակալությունը կարող է Հունաստան տեղափոխել 1.500 աշխատակցի։ Ներկայում Թուրքիայի հետ սահմանին, Էգեյան ծովում և կղզիներում Frontex-ի շուրջ 600 աշխատակից կա։
«Վերջին մի քանի ամիսներին թուրք սահմանապահներն Էվրոսում առնվազն հինգ անգամ կրակ են բացել միգրանտների ուղղությամբ։ Ոչ ոք չի տուժել»,- նշել է Frontex-ի ղեկավարը։
Մայիսի տվյալներով՝ Forntex-ը շուրջ 4.300 անօրինական սահմանանցում է գրանցել դեպի Եվրոպա միգրացիայի հիմնական երթուղիներում։ Այս ցուցանիշը, ապրիլի տվյալների հետ համեմատ, գրեթե երեք անգամ ավելին է։
