13.10.2026 | 16:42
Ծաղկաձորում 18,7 մլն դրամ արժողությամբ հողամասը վաճառվել էր 9 մլն դրամով․ դատարանը բավարարել է Դատախազության հայցը
Չինաստանում նախազգուշացրել են Պեկինում կորոնավիրուսի տարածման բարձր վտանգի մասին
Քաղաքականություն
15.06.2020 | 15:33
Պեկինում կորոնավիրուսի բռնկման հետևանքով վարակի տարածման վտանգը շատ մեծ է։ Այս մասին հայտարարել է Չինաստանի պետական խորհրդի փոխվարչապետ Սուն Չունլանը, գրում է «Սինհուա» գործակալությունը։
Նրա խոսքով՝ վարակի բոլոր նոր դեպքերը կապված են Սինֆադի գյուղմթերքի շուկայի հետ, որը սովորաբար մեծաթիվ այցելուներ է ունենում։ Սուն Չունլանը նաև պահանջել է վճռական միջոցներ ձեռնարկել, ինչպես նաև «խիստ համաճարակային հետաքննություն» անցկացնել շուկայում և հարակից շրջանում՝ վարակի առաջացման աղբյուրը պարզելու համար։
Վերջին մեկ օրվա ընթացքում Պեկինում կորոնավիրուսի նոր դեպքերի բացահայտման համար չինական մայրաքաղաքի 76.499 բնակիչ է թեստավորվել, 59 թեստի արդյունք դրական է եղել։
Հավելենք, որ Սինֆադի շուկայում կորոնավիրուսի նոր բռնկման պատճառով Պեկինի Ֆենթայ շրջանում հունիսի 13-ից ռազմական դրության ռեժիմ է սահմանվել։ Փակվել են դպրոցները, մանկապարտեզները, իսկ բնակիչներից պահանջել են ինքնամեկուսացման ռեժիմի հետևել։
