21.05.2026 | 14:30
Իսրայելցի նախարարը նվաստացրել է պաղեստինամետ ակտիվիստներին. մի շարք երկրներ դատապարտել և կանչել են Իսրայելի դեսպաններին
Թուրքիայում խոշոր երկրաշարժ է գրանցվել․ կա զոհ
Քաղաքականություն
15.06.2020 | 14:37
Թուրքիայի Բինգյոլ (պատմական Բյուրակն) նահանգի Քարլըովա շրջանում՝ Բինգյոլ քաղաքից 56կմ դեպի հյուսիս 5․7 մագնիտուդ ուժգնությամբ երկրաշարժ է գրանցվել. փոխանցում է ermenihaber-ը:
Թուրքիայի աղետների և արտակարգ իրավիճակների կառավարման վարչության (AFAD) հրապարակած տեղեկությունների համաձայն՝ ստորգետնյա ցնցումները գրանցվել են հունիս 14-ին։ Ցնցումները զգացվել են նաև հարակից շրջաններում։
Երկրաշարժի էպիկենտրոնը գտնվել է 5կմ խորության վրա։ Երկրաշարժի հետևանքով 21 քաղաքացու հոսպիտալացրել են, ավելի ուշ նրանցից 3-ը դուրս են գրվել հիվանդանոցից։
Թուրքական մեկ այլ աղբյուրի հաղորդմամբ՝ փլատակների տակ մնացած 1 գյուղական ոստիկան (գյուղապահակ) է մահացել։
Երկրաշարժից տուժել են մի շարք աղյուսե տներ, անասնաշենքեր, ինչպես նաև դպրոցը և ոստիկանատունը։
Այս խոշոր երկրաշարժից ժամեր անց շուրջ 4 մագնիտուդ ուժով 77 ցնցում է գրանցվել։
Թուրքիայում ոլորտի մասնագետների կարծիքով՝ Բինգյոլում և հարակից շրջաններում ավելի խոշոր՝ շուրջ 7 մագնիտուդ ուժով երկրաշարժ է կանխատեսվում։
