ՀՀ վարչապետ Նիկոլ Փաշինյանը «Ֆեյսբուք»-ի իր էջում անդրադարձել է Սպիտակ քաղաքում ոստիկանների և կնոջ միջև տեղի ունեցած միջադեպին։ ՀՀ վարչապետը հրապարակել է այդ միջադեպի տեսանյութի ամբողջական տարբերակը և գրել, որ ոստիկանները սխալ են քաղաքացու հետ հարգալից և պաշտոնական բառապաշարով չխոսելու համար։
«Ոստիկանները սխալ են քաղաքացու հետ «Դուք»-ով, հարգալից եւ պաշտոնական բառապաշարով չխոսելու համար, ինչի կապակցությամբ արժանի են բանավոր նկատողության։ Մնացած մասով ճիշտ են գործել եւ արժանի են խրախուսման»,-գրել է Փաշինյանը։
Հիշեցնենք, որ միջադեպի մասին խորհրդարանում այսօր բարձրաձայնել է ԲՀԿ խմբակցության պատգամավոր Նաիրա Զոհրաբյանը:
