14.12.2024 | 19:57
Ինչ իրավիճակ է ճանապարհներին 19։35-ի դրությամբ
ԱԱՏՄ անակնկալ ստուգայցեր՝ Քանաքեռ-Զեյթունում. ՏԵՍԱՆՅՈՒԹ
Հասարակություն
10.06.2020 | 12:51
Վաղ առավոտից Կառավարությանը ենթակա տեսչական մարմիններն ամբողջ հանրապետությունում ստուգումներ են իրականացրել, պարզելու՝ արդյո՞ք պահվում են հակահամաճարակային կանոնները։
Առողջապահական և աշխատանքի տեսչական մարմնի աշխատակիցների՝ Քանաքեռ-Զեյթունի ստուգայցն ընթացավ Factor TV-ի ուղիղ հեռարձակման ուղեկցությամբ։
«Երևան Սիթի» սուպերմարկետում ԱԱՏՄ աշխատակիցներն արձանագրեցին, որ կան կուտակումներ՝ ո՛չ վճարման տարածքում, ո՛չ էլ ապրանքների սրահներում չէր պահվում սոցիալական հեռավորությունը։ Աշխատակիցները, սակայն, ձեռնոցներով ու դիմակներով էին։
Տեսչական մարմնի աշխատակիցները նշեցին, որ կա մշտական հոսող ջուր, ախտահանման պարագաներ, սակայն ցուցափեղկերի դիմաց չկան գծանշումներ՝ սոցիալական հեռավորություն պահելու պահանջով, ինչպես նաև չկար աշխատակից, որը կհետևեր սուպերմարկետ ելումուտին։
«Երևան Սիթի» սուպերմարկետի, ինչպես նաև դիտարկված այլ տնտեսվարողների վերաբերյալ տվյալները կներկայացվեն պարետատուն և ելնելով փաստաթղթերից ու հիմքերից՝ որոշում կկայացվի՝ կասեցնե՞լ, թե՞ թույլատրել տվյալ օբյեկտի հետագա աշխատանքը։
