12.10.2026 | 18:49
Միրզոյանը և Եգիպտոսի ԱԳ նախարարը քննարկել են առևտրատնտեսական ու գործարար կապերի ընդլայնման հարցեր
Բելառուսում ձերբակալված ակտիվիստների գործերով դատական նիստեր են կայացել
Քաղաքականություն
08.06.2020 | 22:38
Բելառուսում այսօր տեղի են ունեցել ակտիվիստների գործերով դատական նիստերը, որոնք ձերբակալվել են նախօրեին Մինսկում նախագահի այլընտրանքային թեկնածուների օգտին ստորագրահավաքի ակցիաների ժամանակ։ Այս մասին գրում է DW-ի ռուսական ծառայությունը։
Բելառուսական «Գարուն» իրավապաշտպան կազմակերպությունը ներկայացրել է ակտիվիստների գործերով կայացված որոշումները։
Այսպիսով, Օլգա Կովալկովայի նախաձեռնող խմբի անդամ Վալենտին Ֆրոլովը դատապարտվել է 15 օր ժամկետով վարչական կալանքի, Սվետլանա Տիխանովսկու նախաձեռնող խմբի անդամ Օլեգ Բոբրովսկին էլ ենթարկվել է 20-օրյա կալանքի և տուգանքի։ Վարչական կալանքի և տուգանքի են դատապարտվել նաև մի շարք այլ ակտիվիստներ՝ Օլգա Նիկոլայչիկը, Գրիգորի Պոգարցևը, Վսեսլավ Պաշկևիչը, Դմիտրի Ռոժկովը, Վիտալի Կորնիենկոն, Իլյա Լատուժկոն, Ալեքսեյ Վիտյաժը և այլք։
Միաժամանակ, 15-օրյա վարչական կալանքի է դատապարտվել ընդդիմադիր քաղաքական գործիչ Պավել Սեվերինեցը, որը Կոմարովսկի շուկային հարակից հրապարակում հավաք է անցկացրել, ինչից հետո՝ ձերբակալվել։
Նշենք, որ Բելառուսում նախագահական ընտրությունները նախանշված են օգոստոսի 9-ին։ Նախագահական ընտրություններն այս երկրում անցկացվում են 5 տարին մեկ անգամ։ 1994 թվականից Բելառուսը ղեկավարում է Ալեքսանդր Լուկաշենկոն։
