20.01.2026 | 16:29
ԱԺ-ում հայտարարությունների ժամ է. ՈՒՂԻՂ
Այրվածքաբանության կենտրոնի բազայի վրա ծավալված տրիաժ կենտրոնը սկսել է ընդունել պացիենտների. Նիկոլ Փաշինյան
06.06.2020 | 21:45
Այրվածքաբանության ազգային կենտրոնի բազայի վրա այսօր ծավալված տրիաժ (ընդունում, ախտորոշում, տեղափոխում) կենտրոնը արդեն սկսել է ընդունել պացիենտների: Այս մասին ֆեյսբուքյան գրառմամբ տեղեկացրել է ՀՀ վարչապետ Նիկոլ Փաշինյանը։
«Այնտեղ, վերջին տվյալներով, արդեն հոսպիտալացված է 31 քաղաքացի, որից 3-ը՝ վերակենդանացման բաժնում:
Պացիենտները տրիաժ կենտրոններում թեստավորվում են և բուժօգնություն են ստանում մինչև թեստի պատասխանը, որից հետո տեղափոխվում են կորոնավիրուսային հիվանդության բուժումով զբաղվող հատուկ բժշկական կենտրոններ:
Այս կենտրոնի բացումով որոշակի չափով կթեթևանա Նորքի ինֆեկցիոն հիվանդանոցի բեռը, որը մինչ այս Երևանի միակ տրիաժ կենտրոնն էր»,- գրել է վարչապետը:
