12.10.2026 | 16:53
«Ընտրությունն իրականացրել է ՄԱԿ-ը»․ COP17-ի գնումների վերաբերյալ ընդդիմության մեղադրանքներին արձագանքել է ՇՄ նախարարությունը
Պուտինը հայտարարել է, որ կորոնավիրուսի հետ կապված իրավիճակը երկրում բարելավվել է
Քաղաքականություն
04.06.2020 | 16:44
ՌԴ նախագահ Վլադիմիր Պուտինը հայտարարել է, որ երկրում կորոնավիրուսի հետ կապված իրավիճակը բարելավվել է։ ՏԱՍՍ-ի փոխանցմամբ՝ այս մասին նա ասել է ՌԴ Անվտանգության խորհրդի մշտական անդամների հետ օպերատիվ խորհրդակցության ժամանակ։
«Հիմա երկրում իրավիճակը, ընդհանուր առմամբ, կայունանում և բարելավվում է։ Անկասկած, հարկավոր է մշտապես ուշադիր հետևել իրադրությանը յուրաքանչյուր շրջանում և օպերատիվորեն արձագանքել փոփոխություններին»,- նշել է նա։
Պուտինը, միաժամանակ, նշել է, որ կորոնավիրուսի տարածման հետ կապված բարդ իրավիճակ է Անդրբայկալում՝ հանձնարարելով այս շրջանում ռազմական հոսպիտալ ստեղծել՝ COVID-19-ով հիվանդներին բուժելու համար։
Նշենք, որ կորոնավիրուսի դեմ պայքարի օպերատիվ շտաբի տվյալներով՝ ՌԴ-ում մեկ օրվա ընթացքում վարակի 8.831 նոր դեպք է բացահայտվել։ Ընդհանուր առմամբ, Ռուսաստանում վարակակիրների թիվը 441.108 է, 204.623 հիվանդ ապաքինվել է, 5.384 մահ է արձանագրվել։
