11.09.2026 | 21:05
Փրկարարները Ալավերդիում 15 մետր խորությունից դուրս են բերել արգելափակված օտարերկրացուն
Ոչ ոք չի ասում՝ ակնոցը թանկ է, չեմ կրում. Նիկոլ Փաշինյանը՝ դիմակի գնից դժգոհողներին. ՏԵՍԱՆՅՈՒԹ
04.06.2020 | 10:24
Իմ կոչը, խնդրանքը, ակնկալիքն է, որ Հայաստանում սկսվի հակահամաճարակային շարժում։ Այս մասին այսօր ֆեյսբուքյան ուղիղ եթերում ասաց ՀՀ վարչապետ Նիկոլ Փաշինյանը։
«Մեզանից յուրաքանչյուրից, անկախ նրանից՝ ինչ վիճակում են, պահանջվում է հակահամաճարակային կանոնների պահպանում։ Ես իմ մասով պահպանում եմ, որ մեկուսացած եմ, չեմ շփվում կամ շփվում եմ այնպես, որ վստահ լինեմ՝ չեմ վարակելու ուրիշներին։ Երկրորդը՝ վերահսկել ուրիշների կողմից հակահամաճարակային կանոնների կատարումը, լուսանկարել խախտման դեպքերը, տեսանկարահանել և հրապարակել սոցիալական ցանցի էջերում։ Երեկ, օրինակ, բանկերի դեպքում ընդամենը մի քանի ժամվա ընթացքում հարցերը լուծվեցին, որովհետև բանկերը հասկացան, որ իրենց գործարար համբավի վրա շատ նեգատիվ ազդեցություն է ունենում դա»,- ասաց Փաշինյանը։
Նա հայտարարեց՝ այսօրվանից տանից դուրս կարող ենք լինել միայն դիմակով։ ՏՄՊՊՀ նախագահը, ըստ նրա, զեկուցել է, որ դիմակների գների որոշակի անկում է արձանագրվել։
«Գիտեմ, որ սա սոցիալական բեռ է, նաև տնտեսական բեռ է, բայց կրկին նույն օրինակն եմ բերում․ այսօր ոչ ոք չի ասում, որ ակնոցը թանկ է, դրա համար ակնոց չեմ կրում։ Սա էլ ակնոցի նման իրավիճակ է, որովհետև այդ առումով կույր ենք, չգիտենք՝ դիմացինը հիվա՞նդ է կորոնավիրուսով, թե՞ չէ»,- նշեց վարչապետը։
Մանրամասները՝ տեսանյութում։
