01.02.2026 | 21:17
Փակ են Ամբերդ ամրոց և Քարի լիճ տանող ավտոճանապարհները
Բագրատաշենի բնակիչը դանակահարել է սահմանապահին, հետո ինքնասպանության փորձ արել. Aravot.am
20.11.2017 | 12:53
Նոյեմբերի լույս 20-ի գիշերը Բագրատաշենի սահմանային անցակետում միջադեպ է եղել:
Aravot.am-ի տեղեկություններով`Բագրատաշեն գյուղի բնակիչներ, 2 եղբայրներ ցանկացել են հատել սահմանը: Սահմանապահ ծառայության աշխատակիցը պահանջել է բացել ավտոմեքենայի բեռնախցիկը: Եղբայրները հրաժարվել են դա անել, ասելով, որ իրենք տեղացի են, իրենց բոլորը ճանաչում են: Վեճ է բռնկվել: Նրանցից մեկն օգնության է կանչել իր աներձագին՝ Բագրատաշենի բնակիչ Կարեն Շիրվանյանին: Վերջինս նախկինում դատված է, այդ թվում`դանակահարելու համար: Նա դանակով հարվածել է սահմանապահին: Ձերբակալվելուց հետո նա եղունգների կտրիչով փորձել է իր երակները կտրել, ինքնասպան լինել: Ներկայումս նա գտնվում է ոստիկանության Նոյեմբերյանի բաժնի մեկուսարանում:
Կարեն Շիրավանյանի մայրը`տիկին Սուլթանիկը Բագրատաշենում հայտնի է որպես արեւածաղկի սերմի մեծածախ վաճառող: ՀՀ քննչական կոմիտեի Տավուշի մարզային քննչական վարչության Նոյեմբերյանի քննչական բաժնում դեպքի կապակցությամբ քննություն է կատարվում:
Իրավապահներից տեղեկացանք, որ դեպքի կապակցությամբ քրեական գործ է հարուցվել ՀՀ քրեական օրենսգրքի 316 հոդվածով («Իշխանության ներկայացուցչի նկատմամբ բռնություն գործադրելը»):
