01.07.2026 | 20:38
Ադրբեջանի և Հայաստանի հարաբերությունների կարգավորման գործընթացը հաջողությամբ շարունակվում է․ Ալիևը՝ ԵՀ նախագահին
ՀԱՊԿ ԽՎ Խորհուրդը հունիսի 15-ին նիստ կանցկացնի
Քաղաքականություն
03.06.2020 | 16:52
ՀԱՊԿ Խորհրդարանական վեհաժողովի Խորհուրդը հունիսի 15-ին տեսակոնֆերանսի ձևաչափով նիստ կանցկացնի։ Այս մասին տեղեկանում ենք ՀԱՊԿ ԽՎ պաշտոնական կայքից։
Նիստի ընթացքում կքննարկվեն կորոնավիրուսի համաճարակի պայմաններում միջազգային, հավաքական և ազգային անվտանգության ապահովման վերաբերյալ արդիական հարցեր։
«ՀԱՊԿ գլխավոր քարտուղար Ստանիսլավ Զասը Խորհրդի անդամներին կզեկուցի ՀԱՊԿ Հավաքական անվտանգության խորհրդի՝ 2019 թվականի նոյեմբերի նիստի արդյունքների, Կազմակերպության պատասխանատվության գոտում իրադրության, հավաքական անվտանգությանն ուղղված մարտահրավերներին և սպառնալիքներին հակազդման միջոցառումների, ՀԱՊԿ շրջանակում կնքված միջազգային պայմանագրերի վավերացման մասին»,- ասված է հաղորդագրությունում։
ՀԱՊԿ ԽՎ խորհրդի նիստին կմասնակցեն ՀԱՊԿ անդամ պետությունների՝ Հայաստանի, Բելառուսի, Ղազախստանի, Ղրղզստանի, Ռուսաստանի Դաշնություն եւ Տաջիկստանի խորհրդարանական պատվիրակությունների ղեկավարները, ՀԱՊԿ ԽՎ ԽՎ-ում դիտորդները Սերբիայից, Աֆղանստանից, Ռուսաստանից եւ Բելառուսից, ՀԱՊԿ եւ ՀԱՊԿ ԽՎ-ի քարտուղարությունների ներկայացուցիչները:
Հայաստանից նիստին կմասնակցի Ազգային ժողովի փոխխոսնակ, ՀԱՊԿ ԽՎ-ում հայկական խորհրդարանական պատվիրակության անդամ Ալեն Սիմոնյանը։
