21.05.2026 | 18:45
ՄՈԳՈ-ն զարգանում է մարզերում․ Վանաձորի մասնաճյուղը՝ նոր տեսքով ու հնարավորություններով․ ՏԵՍԱՆՅՈՒԹ
Սերժ Սարգսյանի իշխանության օրոք ձեռք բերված 42 մլն դոլարի անպետք զենքի գործով ԱԱԾ-ն մեկ անձի է կալանավորել
Հասարակություն
31.05.2020 | 23:06
Սերժ Սարգսյանի իշխանության օրոք ձեռք բերված 42 մլն դոլարի ենթադրյալ անպետք զենքի քրեական գործով կալանավորված անձ կա: Այս մասին Factor.am-ը տեղեկանում է ԱԺ պատգամավոր Հրաչյա Հակոբյանից:
Քրեական գործով զբաղվում է Ազգային անվտանգության ծառայությունը:
Հիշեցնենք՝ մարտի 11-ին Սյունիքի մարզի Տաթև համայնքում սահմանադրական հանրաքվեի նախընտրական քարոզարշավի ժամանակ վարչապետ Նիկոլ Փաշինյանն անդրադարձել էր երրորդ նախագահ Սերժ Սարգսյանի այն հայտարարությանը, թե Արցախն Ադրբեջանի մաս չի կարող լինել: Նիկոլ Փաշինյանը, ի թիվս այլ մեղադրանքների, ասել էր, որ Սարգսյանի իշխանությունը 42 մլն դոլարի զենք է ձեռք բերել, որը հնարավոր չէ կիրառել ռազմական գործողությունների ժամանակ:
ԱԱԾ-ից Factor.am-ին դեռ ապրիլի սկզբին էին տեղեկացրել, որ քրեական գործը իրենց վարույթում է, սակայն այլ մանրամասներ չէին փոխանցել:
Ի դեպ, նշենք, որ ԱԱԾ-ն Հրաչյա Հակոբյանի նշած կալանավորված անձի մասին պաշտոնապես չի հայտնել:
Նարեկ Կիրակոսյան
