09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ընտանիքներով վարակվում են կորոնավիրուսով․ մի՛ վտանգեք ձեր հարազատների կյանքը․ Ռուզաննա Դուրգարյան․ ՏԵՍԱՆՅՈՒԹ
30.05.2020 | 18:53
Կորոնավիրուսով վարակվելու աճին զուգահեռ՝ փոփոխվել է նաև պոլիկլինիկաների աշխատելաոճը։ Ապրիլի 20-ից ստեղծվել են շրջիկ բրիգադաներ, որոնք նմուշառումները կատարում են տնային պայմաններում։ Պարետատան այսօրվա նիստից հետո հրավիրված ճեպազրույցում այս մասին ասաց 13-րդ պոլիկլինիկայի տնօրեն Ռուզաննա Դուրգարյանը։
Նրա խոսքով՝ կորոնավիրուսով վարակի թեթև դեպքերը հսկում են պոլիկլինիկաների մասնագետները, քրոնիկ հիվանդություններ, թոքաբորբ ունեցողները, ծանր հիվանդները տեղափոխվում են հիվանդանոցներ։
«Վերջին շրջանում բնակչության մոտ նկատվում է ծանր դեպքերի շատացում, հիմնականում ընտանիքներով են դիմում պոլիկլինիկա։ Եթե մի ժամանակ մեկ դեպք էր լինում ընտանիքի սահմաններում, հիմա եթե ընտանիքում վեց անձ են, վեցն էլ սիմպտոմներով դիմում են պոլիկլինիկա և հաստատվում է կորոնավիրուս։ Խնդրում և կոչ եմ անում՝ պահպանե՛ք հակահամաճարակային կանոնները, մտածեք ձեր մայրերի, հայրերի, տատիկների, պապիկների առողջության մասին, մի՛ վտանգեք ձեր հարազատների կյանքն ու առողջությունը»,- ասաց Ռուզաննա Դուրգարյանը։
Մանրամասները՝ տեսանյութում։
