17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Երիտասարդը կարող է վարակել իր ծնողին, որը մահանա կորոնավիրուսից․ Նիկոլ Փաշինյան․ ՏԵՍԱՆՅՈՒԹ
Քաղաքականություն
30.05.2020 | 18:28
Երեկ, նախորդ օրվա համեմատ, կորոնավիրուսով հաստատված դրական դեպքերի թիվը նվազել է 209-ով, բայց դրանից համաճարակի գնահատականը չի փոխվում։ Նախորդ օրը գրանցվել է 251 վարակման դեպք։ Այսօր պարետատան նիստից հետո տեղի ունեցած ճեպազրույցում ասաց ՀՀ վարչապետ Նիկոլ Փաշինյանը՝ ընդգծելով, որ դեռ կարիք կա իրավիճակը դիտարկելու, համոզվելու համար՝ արդյո՞ք այս նվազումը բովանդակային փոփոխություն է։
Վարչապետը մտահոգություն հայտնեց, որ չնայած բազմաթիվ զգուշացումներին՝ մարդիկ շարունակում են խախտել հակահամաճարակային կանոնները։
«Առաջիկա մեկ տարվա ընթացքում խստիվ անհրաժեշտ է լինելու հակահամաճարակային կանոնները պահել։ Ոստիկանությունը 3 օրվա ընթացքում մոտ 1300 արձանագրություն է կազմել դիմակ կրելու պահանջի կանոները խախտելու համար, և տեսչական մարմինները դադարեցրել են 87 կազմակերպության աշխատանքը»,- ասաց նա։
Հարցին՝ ինչո՞ւ է ավտոմեքենայում դիմակ չկրելը տուգանքի առիթ դառնում, վարչապետը նշեց, որ այն համարվում է փակ տարածք։ Բացօթյա առևտուրը ևս պետք է կազմակերպվի դիմակով։ Թեև երիտասարդներին կորոնավիրուսը մեծ վնասներ դժվար թե հասցնի, բայց Փաշինյանն ընդգծեց՝ երիտասարդը կարող է ծնողներին, մեծահասակներին վարակել և, ի վերջո, դա բերի նրանց մահվան։
Մանրամասները՝ տեսանյութում։
