19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
ՊԵԿ-ը ապատեղեկատվություն է տարածում. Միքայել Մելքումյան
Տնտեսություն
17.11.2017 | 16:28
«Ծառուկյան» խմբակցությունից ԱԺ փոխնախագահ Միքայել Մելքումյանը պնդմամբ՝ Պետական եկամուտների կոմիտեն ապատեղեկատվություն է տարածում՝ հայտնելով, որ 748 տնտեսվարող ունեցող «Առինջ մոլը» ընդամենը 338 աշխատող է հայտարարագրում:
«Էդ բոլորն ԱՁ-ներ են, այսինքն՝ անհատ ձեռնարկատերեր: Պարտադիր չէ, որ ԱՁ-ում լինեն վարձու աշխատողները, էդ 338-ը, որ ասում են, դրանք լրացուցիչ վարձու աշխատողներ են, իսկ էդ 748-ը նաև ամբողջական ԱՁ-ի տերերն են: Մարդիկ իրենք են իրենց ապրանքը վաճառում»,- Factor.am-ի հետ զրույցում ասաց Միքայել Մելքումյանը:
ՊԵԿ պարզաբանման մեջ նաև նշված էր, մասնավորապես՝ եթե «Փեթակ» տոնավաճառում գործունեություն իրականացնող 345 հարկ վճարող նշված ժամանակահատվածում ունեցել է շուրջ 4 մլրդ դրամի շրջանառություն, «Սուրմալու» տոնավաճառի 361 հարկ վճարող՝ ավելի քան 4.5 մլրդ դրամի շրջանառություն, ապա «Առինջ մոլում» գրեթե կրկնակի մեծ քանակով գործող 748 հարկ վճարողները ցույց են տվել ընդամենը մոտ 2.9 մլրդ դրամի շրջանառություն: «Ծառուկյան» խմբակցության անդամը հակադարձեց՝ ընդգծելով, որ մի շարք գործոններով պայմանավորված՝ «Առինջ մոլում» առևտրաշրջանառությունը ցածր է:
Մանրամասները՝ տեսանյութում:
Շողիկ Գալստյան
