05.03.2026 | 22:25
Հրաձգության Հայաստանի հավաքականը 4-րդն է Եվրոպայի առաջնության մեդալային հաշվարկում
Հայտնի են հատուկ և ներառական կրթություն ստացող դպրոցականների ֆուտբոլի հանրապետական մրցումների մրցանակակիր թիմերը
Հասարակություն
17.11.2017 | 16:02
Այսօր՝ նոյեմբերի 17-ին, ավարտվել են պետական աջակցության շրջանակում «Հայկական հատուկ օլիմպիադաներ» հասարակական կազմակերպության կազմակերպած ֆուտբոլի հանրապետական մրցումները:
Մրցումներն անցկացվել են «Խուլերի հայկական սպորտային կոմիտե» հասարակական կազմակերպության մշակույթի պալատում: Հատուկ և ներառական կրթություն ստացող դպրոցականների ֆուտբոլի հանրապետական մրցումների հաղթող է ճանաչվել Վաղարշապատի N 33 ներառական դպրոցի թիմը, 2-րդ տեղը գրավել է Երևանի N 12 հատուկ դպրոցի թիմը, իսկ 3-րդ տեղը՝ Վաղարշապատի N 150 ներառական դպրոցի թիմը:
Մրցաշարին մասնակցել են Երևանի և մարզերի հատուկ և ներառական կրթություն ապահովող 8 դպրոցների մտավոր հաշմանդամություն ունեցող և առանց հաշմանդամության 12-15 տարեկան աշակերտներ:
