16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Առաջարկություններ` «Երեխայի իրավունքների մասին» ՀՀ օրենքում լրացում կատարելու նախագծի շուրջ. ՀՔԱՎ
Հասարակություն
29.05.2020 | 11:26
Հելսինկյան քաղաքացիական ասամբլեայի Վանաձորի գրասենյակը հաղորդագրություն է տարածել, որում ասվում է.
«2020 թվականի ապրիլի 29-ին ՀՀ արդարադատության նախարարության իրավական ակտերի նախագծերի հրապարակման միասնական կայքում հանրային քննարկման է դրվել «Երեխաների իրավունքների մասին» ՀՀ օրենքում լրացում կատարելու մասին ՀՀ օրենքի նախագիծը։
Հելսինկյան քաղաքացիական ասամբլեայի Վանաձորի գրասենյակը և Հոգեկան առողջության խնդիրներ ունեցող անձանց բուժման և խնամքի ծառայություններ մատուցող կազմակերպություններում հասարակական դիտորդական խումբը Օրենքի նախագծի վերաբերյալ համատեղ առաջարկություններ են ներկայացրել։
Առաջարկությունները վերաբերում են երեխայի լսված լինելու իրավունքի իրացմանը՝ ՀՀ ներպետական օրենսդրության, Սահմանադրական դատարանի նախադեպային որոշումների և միջազգային իրավական ակտերի համատեքստում, առանձին անդրադարձ կա հոգեբուժական հաստատությունում երեխայի հոսպիտալացմանը։
Բոլոր առաջարկությունները՝ ԱՅՍՏԵՂ
Օրենքի նախագծի վերաբերյալ առաջարկությունները ներկայացվել են e-draft.am հարթակի միջոցով»։
