26.09.2026 | 17:39
Քննարկվել են Հայաստանի և Կիպրոսի միջև երկկողմ գործընկերության խորացման հարցեր
Արսեն Թորոսյանի քննադատությունն անհիմն է և որոշակի հարցեր է առաջացնում․ Վրաստանի առողջապահության նախարար
Քաղաքականություն
25.05.2020 | 23:22
ՀՀ առողջապահության նախարար Արսեն Թորոսյանի՝ Վրաստանում կորոնավիրուսով վարակվածների հաշվարկի մեթոդաբանության վերաբերյալ քննադատությունն անհիմն է և որոշակի հարցեր է առաջացնում։ Sputnik Georgia-ի փոխանցմամբ՝ այս մասին հայտարարել է Վրաստանի առողջապահության նախարար Եկատերինա Տիկարաձեն։
Նրա խոսքով՝ վրացական կողմը մշտական կապի մեջ է եղել Հայաստանից գործընկերների հետ, խորհրդակցություններ են անցկացվել երկու երկրներում համաճարակային իրավիճակի հետ կապված։ Տիկարաձեն նաև պնդում է, որ եթե հայ գործընկերոջ մոտ հարցեր են առաջացել, նա կարող էր օգտագործել կապի այդ ուղին և պատասխաններ ստանալ։
«Այդ պատճառով որոշակի կասկածներ և հարցեր կան՝ կապված այն բանի հետ, թե ի՞նչ հիմքեր ուներ իմ գործընկերը նման հայտարարության համար»,- ասել է վրացի նախարարը։
