11.09.2026 | 22:57
Մեկնարկել է Հայաստան-Լատվիա հանդիպման տոմսերի վաճառքը
Երբ ՃՈ-ն դիմում է «ախպերս», ոչ թե՝ «հարգելի քաղաքացի», այդտեղ ամեն ինչ ավարտվում է․ Արեն Մկրտչյան. ՏԵՍԱՆՅՈՒԹ
Հասարակություն
25.05.2020 | 13:58
Եթե մենք ցանկանում ենք, որ Ոստիկանությունում տեղի ունենան բովանդակային, որակական փոփոխություններ, պետք է կրթական կոմպոնենտի վրա մեծ շեշտադրում անենք։ Այս մասին ասաց «Իմ քայլը» խմբակցության պատգամավոր Արեն Մկրտչյանը ԱԺ պաշտպանության և անվտանգության հարցերի մշտական հանձնաժողովի նիստում «Ոստիկանության մասին» օրենքում փոփոխություններ և լրացումներ կատարելու մասին և «Ոստիկանությունում ծառայության մասին» օրենքում փոփոխություններ և լրացումներ կատարելու մասին օրենքների փաթեթի քննարկման ժամանակ։
«Երբ Ճանապարհային ոստիկանության կամ պարեկային աշխատողը քաղաքացուն դիմում է՝ ախպերս, այլ ոչ՝ հարգելի քաղաքացի, այդտեղ ամեն ինչ ավարտվում է»,- նշեց պատգամավորը։
Նա հավելեց, որ ունակ և բարձր կրթական ցենզ ունեցող կադրերը մասնավոր ոլորտում են իրենց ունակությունները ռեալիզացնելու՝ բարձր վարձատրության դիմաց։
«Վարձատրությունը պետք է լինի այն մոտիվացիան, որպեսզի բարձր կրթական ցենզ ունեցող կադրերը կարողանան համակարգում ռեալիզացնել իրենց ունակությունները»,- նշեց պատգամավորը։
Մանրամասները՝ տեսանյութում։
