11.06.2026 | 11:33
Գյումրիում կարկուտի հետևանքով ջրալցվել են տներ, անձրևաջրերի կուտակման պատճառով արգելափակվել են ավտոմեքենաներ
Ոստիկանական ծառայության մեջ ներգրավվելու տարիքային առավելագույն շեմը բարձրացվում է․ Արմեն Խաչատրյան. ՏԵՍԱՆՅՈՒԹ
Քաղաքականություն
25.05.2020 | 13:52
Ոստիկանությունում պարեկային ծառայությունում ընդգրկվելու տարիքային առավելագույն շեմը սահմանվել է 35 տարեկանը։ Այս մասին ասաց «Իմ քայլը» խմբակցության պատգամավոր Արմեն Խաչատրյանը՝ ԱԺ պաշտպանության և անվտանգության հարցերի մշտական հանձնաժողովի նիստում ներկայացնելով «Ոստիկանության մասին» օրենքում փոփոխություններ և լրացումներ կատարելու մասին և «Ոստիկանությունում ծառայության մասին» օրենքում փոփոխություններ և լրացումներ կատարելու մասին օրենքների փաթեթը։
Պատգամավորը կարևորեց այս փոփոխությունը։
«Տարիներ շարունակ Ոստիկանություն ընդունվելու համար առավելագույն տարիքը եղել է 30-ը, ներկայում, այս փոփոխությունից հետո, մինչև 35 տարեկան անձինք կարող են ներգրավվել Ոստիկանությունում ծառայության մեջ։ Շատ լավ մասնագետներ կան, որոնք պատրաստ են ծառայել Ոստիկանությունում և լավ փորձ ունեն մասնագիտական, սակայն տարիքի պատճառով չեն կարողանում ներգրավվել, քանի որ 30 տարեկանն անց են»,- նշեց Խաչատրյանը։
Մանրամասները՝ տեսանյութում։
