10.08.2026 | 12:30
Ոստիկանները ձերբակալել են մեկ տասնյակից ավելի անձանց․ մանրամասներ` Դաշտավան գյուղում կատարված խուլիգանությունից
Ատելության խոսքն այնպիսի դրսևորում է ստացել, որ ազգային անվտանգության խնդրի է վերածվում. փաստաբան. ՏԵՍԱՆՅՈՒԹ
Հասարակություն
25.05.2020 | 13:38
Պետությունը պետք է զգա, որ մենք իրոք լրջագույն խնդիր ունենք և, որքան էլ որ միջազգային ստանդարտները մեզ համար լինում են ուղենիշային, յուրաքանչյուր պետություն նաև իր ներքին զարգացումների պրիզմայով պետք է դիտարկի, թե որն է նախընտրելի լուծումն իր համար։
Այս մասին այսօր՝ «Ատելության խոսքի դեմ պայքարի օրենսդրական ուղիները ՀՀ-ում» թեմայով տեսաքննարկման ընթացքում նշեց փաստաբան Արտաշես Խալաթյանը։
«Կարծում եմ՝ ավելի ակտիվ պետական միջամտությունն այստեղ կարևոր գործիք կարող է դառնալ։ Պետության կողմից հասարակության կարգավորումը տարբեր շահերի համադրման վրա է հիմնված։ Այսօր մենք ունենք հետևյալ խնդիրը․ ատելության խոսքը, հատկապես համացանցային տիրույթում, այնպիսի անսահմանափակ և բոլոր էթիկական ու բարոյական սահմաններն անցնող մի դրսևորում է ստացել, որ արդեն ազգային անվտանգության խնդրի է վերածվում։ Սոցիալական մեդիան այսօր, ըստ էության, որևէ իրավական կարգավորման չի ենթադրում»,- նշեց փաստաբանը։
Մանրամասները՝ տեսանյութում։
Նելլի Մելքոնյան
